venres, 20 de decembro de 2019

A VIDA ARTISTICA DE MARIE FREDRIKSSON




Marie e Per, Roxette, representaron, durante os seus primeiros anos de éxito, esa mezcla de pop e rock que, por un tempo, dotou de certo sentido a esa etiqueta chamada pop-rock. Parecían unha banda de roqueros, sonaban coma uns alegres e sensibles poperos. Él despeinado, ela co pelo cortísimo. Él coa guitarra á altura dos xeonllos, ela golpeando sen piedade unha pandeireta. Incluso na era da autenticidade, lograron arrancarlle un baile o unha bágoa á xeración X.


xoves, 19 de decembro de 2019

MERRY CHRISTMAS FROM MR SCROOGE!


     A Christmas Carol is undoubtedly the most beloved story set during this festive season. Published on 19 December 1883, the first edition sold out by Christmas Eve, and this novella is considered a true classic. The book recounts the story of Ebenezer Scrooge, an elderly miser who is visited by the ghost of his former business partner Jacob Marley and the spirits of Christmas Past, Present and Yet to Come. After these visits, Scrooge is transformed into a gentler man, treating everyone with kindness, generosity and compassion.

     However, the truth is that, in spite of the literary value and importance of this very work, its greater significance lies on the social influence it exerted. Two hundred years ago, Christmas celebrations were completely different and the modern observance we hold nowadays is largely the result of a mid-Victorian revival of the holiday. This re‑evaluation of the tradition resulted in the widespread presence of carols and even newer traditions. For example, the Christmas tree had been introduced in Britain during the 18th century, and its use was popularised by Queen Victoria and Prince Albert, a practice that was copied in many homes across the country and, later on, internationally.

     Funnily enough, even though the phrase ‘Merry Christmas’ had been around for many years, it was Charles Dickens’s use that popularised it among the public. Also, the exclamation ‘Bah! Humbug!’ entered popular use in the English language as a retort to anything sentimental or overly festive, Scrooge’s reaction to anything Christmassy. What is true is that, for all the curiosities behind its creation and adaptations (see the trailer below for the latest one), in the words of G. K. Chesterton, ‘the beauty and blessing of the story lie in the great furnace of real happiness that glows through Scrooge and everything around him. Whether the Christmas visions would or would not convert Scrooge, they convert us.’





     Un conto de Nadal é sen dúbida a narración predilecta durante esta época festiva. Publicada o 19 de decembro de 1843, a primeira edición xa se tiña esgotado en Noiteboa. O libro relata a historia de Ebenezer Scrooge, un vello avarento ao que visita a pantasma do seu antigo socio Jacob Marley e os espíritos do Nadal Pasado, Presente e Futuro. Despois destas aparicións, Scrooge transformarase nunha persoa máis amábel, tratando a todo o mundo con xenerosidade e compaixón.

     A pesar do significado e valor literario deste traballo, a súa verdadeira importancia fíxose notar na súa repercusión social. Hai douscentos anos, as celebracións natalicias eran completamente diferentes e o seu tratamento moderno é en grande parte un resultado da súa popularización na metade da época Vitoriana. Esta reavaliación de costumes levou consigo a ubicuidade das panxoliñas e novas tradicións. Por exemplo, a árbore de Nadal foi introducido en Gran Bretaña durante o século XVIII e o seu uso foi popularizado pola Raíña Vitoria e o Príncipe Alberto, unha práctica que moitos fogares copiaron no país e, posteriormente, no estranxeiro.

     Curiosamente, a pesar de que a frase «Merry Christmas» xa existía como tal, foi o uso que lle deu Dickens a que a popularizou entre o público. Ademais, a exclamación « Bah! Humbug!» entrou no vocabulario xeral en inglés como resposta a calquer cousa demasiado sentimental ou festiva, gracias a que é a expresión coa que Scrooge reacciona a calquera cousa que cheire ao Nadal. O certo é que, aínda tendo en conta todas as curiosidades que rodean a creación da obra e as súas adaptacións (o caso do tráiler que se inclúe nesta entrada), nas palabras de G. K. Chesterton, «a beleza e a beizón da historia están nese forno de ledicia que reloce a través de Scrooge e todo o que o envolve... Se as visións do Nadal cambiaron a Scrooge ou non, múdannos a nós.»


martes, 17 de decembro de 2019

NÓS DIARIO

NÓS DIARIO

Por fin! Xa temos un xornal publicado integramente en galego, todos os días do ano, nacido dun proxecto plural e da cooperación de todas as persoas que participaron co su gran (pequeno ou grande) e coas subscripcións para que este desexadísimo proxecto vise a luz.
Esta é unha desas noticias que dá moito pracer ofrecer. A saída do número 0 foi o 30 de novembro, e o vindeiro 2 de xaneiro iniciará a andadura, así que desde este blog animámosvos a que vos acheguedes a el, que percorrades as diferentes seccións e que valoredes na súa xusta medida o esforzo colectivo que supó ente xigante paso para unha lingua como a nosa.
Animádesvos?



luns, 16 de decembro de 2019

SABÍAS QUE...?

- Sabías como os nosos antergos ergueran a Fornella da Moura ou dolmen de Dombate? Como facían os petróglifos?

- Sabías que os habitantes da Cibdá ou castro de Borneiro non comían pantrigo senón outro pan moito máis raro? Sabías o que bebían, ademáis da auga do manancial?

- Coñeces a lenda do Río do Esquecemento? Como facían os romanos as calzadas?

- Cal foi a poderosísima arma que inventaron os bispos da España cristiá para frear a expansión musulmá? Como enterraban os viquingos aos seus xefes?


As respostas a todas estas preguntas podedes atopalas na Biblio do Insti – onde senón? - na colección “A nosa historia”, da editorial A Nosa Terra, nos libriños titulados “Os prehistóricos”, “Os habitantes dos castros”, “Os galego-romanos” e “Os viquingos en Galicia”, cos simpáticos debuxos de Pepe Carreiro …

Que quen é Pepe Carreiro? Pois … o autor dos Bolechas!

Lembra a máxima do noso arqueólogo-filósofo Tadeo Jones: “Alimenta o teu cerebro!”.

xoves, 12 de decembro de 2019

COP25:#tiempodeactuar

Ao fin está en todas partes a tan nomeada Emerxencia Climática e a visibilidade dos xóvenes que están a liderar a mobilización, esixindo as empresas e aos gobernos accións inmediatas fronte ao cambio climático. Emociona esta xeración que toma o relevo na inacción e que impulsa, divulga, participa e comprométese nesta causa.
Nesta COP25 hai moitas intervencións, algunhas de descoñecidos para o gran público e outras de persoeiros recoñecidos. 
Neste enlace podedes acceder á conferencia de Greta Thunberg, Luida Neubauer e Fridays for Future.Greta Thunberg.
Que podo facer eu?
Climate Neutral Now é unha iniciativa espallada pola ONU en 2015 que ten como obxectivo animar a que todo o mundo tome medidas sobre o clima, coa finalidade de lograr un mundo con clima neutro a mediados de siglo, tal e como recolle o acordo de París adoptado ese mesmo ano.
Tí tamén podes traballar pola neutralidade climática, reducindo a túa pegada climática e seguindo estes pasos:
  • Medir as emisións de gases de efecto invernadoiro. Calcula a túa pegada climática nesta calculadora: Calculadora
  • Cambia algúns aspectos do teu estilo de vida, alimentación e mobilidade para reducir a túa pegada
Atrévete a ser parte do cambio, é tempo de actuar (#tiempodeactuar)



mércores, 11 de decembro de 2019

PURITA CAMPOS

Unha das ilustradoras máis relevantes da historia do cómic español ven de falecer o pasado mes de novembro aos 82 anos. 

pura campos
Purita Campos e a portada de 'Esther cumple 40'. Foto: Planeta e Espasa.

Pura Campos estudou Belas Artes, e levou as tendencias da moda ao cómic cando ninguén o facía. Empezou debuxando modelos para a súa nai, que era modista, e pasou a traballar para outras modistas de Barcelona ata que a contrataron na editorial Bruguera cando aínda era moi nova.
Máis adiante probou sorte nunha editorial inglesa e así empezou "Esther y su Mundo", unhas viñetas para rapazas nas que unha adolescente contaba a súa vida. Un cómic semanal que se publicou en varios países desde 1971 ata 1988.

"Patty’s World", que así se chamaba o cómic en Inglaterra, vendía tiradas de 400.000 exemplares semanais, e aínda con esas cifras de vendas algúns dicíanlle: "para ser muller non o fas mal".

Pura Campos foi galardoada coa Medalla de Ouro ao Mérito nas Belas Artes no ano 2009,  e co Gran Premio do Salón Internacional do Cómic de Barcelona no 2013.

Cando lle preguntaban pola fonte da súa inspiración ela aludía directamente ao taller da súa nai, onde tiña revistas de moda estranxeiras coma Harper´s Bazaar ou Vogue. Gustáballe tanto a moda que chegou a ter a súa propia boutique.

No ano 2006 publicou novas aventuras de Esther (cunha protagonista adulta, divorciada e cunha filla), e reeditaron os seus anteriores traballos, pero cando a editorial Bruguera pechou montou unha academia de debuxo e pintura na que afirmaba pasalo mellor que debuxando cómics.


martes, 10 de decembro de 2019

A PALABRA DO ANO 2019

Cal sería para cada un de vós a palabra que mellor define o que foi o ano 2019?

Deseucaliptización (2018), afouteza (2017), irmandade (2016), refuxiados (2015) e corrupción (2014) foron termos que o público escolleu en anos anteriores. Palabras que por diferentes razóns resumen o identifican unha realidade destacada no seu ano. Termos que se repetiron día tras día nos medios de comunicación e irromperon con forza na fala cotía da rúa.

Neste 2019 a piques de rematar, cal sería para vós a Palabra do ano?



 A escolla consistirá nun proceso colectivo de tres fases.

Primeira fase
Recepción de propostas. Recolleremos todas as suxestións que as persoas que desexen participar nos envíen desde hoxe, 2 de decembro, ata as 23:59 horas do domingo 15 de decembro. Se non te dás decidido por unha, podes mandarnos varias palabras.

Segunda fase
Ábrese o luns 16 de decembro. De entre todas as propostas rexistradas na fase primeira, elixiranse as palabras máis repetidas ou algunha que represente unha temática compartida por distintas persoas participantes. Poderase votar polas finalistas ata o mércores 25 de decembro ás 23:59 horas.

Terceira fase
Tras recontarmos os votos, o venres 27 de decembro desvelaremos cal é a Palabra do Ano 2019.
Anímate a participar na escolla da palabra que mellor define este ano 2019.
Premede na seguine ligazón para participar: https://portaldaspalabras.gal/palabradoano/.


luns, 9 de decembro de 2019

DE AVENTURAS, MITOS E TESOUROS



A escritora Marilar Aleixandre é autora de varios libros dedicados á mocidade, como demostra o Premio Raíña Lupa de Literatura Infantil e Xuvenil, no ano 2017.




Nas Xornadas do Club de Lectura do curso pasado, celebradas en Santiago, Marilar Aleixandre realizou un ameno relatorio sobre a literatura e a muller. 

Na obra que hoxe presentamos, A filla do Minotauro, a protagonista é Miranda, unha afouta moza que, acompañada por Antelmo, se suma á loita contra os ladróns de xacementos arqueolóxicos na illa de Sicilia. Antelmo e ela teñen unha misión moi especial, relacionada coa obra do científico grego Arquímedes.



Pero hai tamén outros alicientes. Non falta o amor, claro.Un dos elementos máis atractivos é a combinación da trama narrada co mundo clásico grego, xa que moitas personaxes son unha recreación dos protagonistas da mitoloxía. Así, Oliseus é Odiseo, Polieufemio é Polifemo, Narcurio é o deus Mercurio, Dédalo é De Dalos… Todo ambientado na fermosa e suxerente Trinacria, nome que os antigos daban á illa de Sicilia.

Temos o libro na biblioteca. Chegou hai pouco. Ten aínda o aroma dos libros que ferven a novo cando saen do prelo. Anímaste a estrealo? Pregunta por el e adéntrate na aventura.

xoves, 5 de decembro de 2019

DECORA A TÚA ÁRBORE !

Co gallo das festas do Nadal, imos propor este ano un concurso para descubrir como de creativos podedes ser. 


BASES

1.- Elaborarase un adorno ou postal de Nadal, que sexa factible de pendurar na árbore. Pódense utilizar todos os materiais que se consideren oportunos. Poderán ser elaborados no Espazo Maker

2.- Este ano a temática será “DECORA A TÚA ÁRBORE”. Valorarase a creatividade, a orixinalidade e o esforzo na realización. 

3.- Poderá participar todo o alumnado do instituto. 

4.- O prazo de entrega será do 9 ao 13 de Decembro, na biblioteca, e a entrega de premios o 20 do mesmo mes. 

5.- Haberá premios para os adornos gañadores e sorpresas para os participantes!!

mércores, 4 de decembro de 2019

ESPAZO MAKER DO IES EDUARDO PONDAL DE PONTECESO

Moitos de vós xa o saberedes pero non queremos que algúen quede sen se enterar!
O instituto xa ten o seu espazo maker: a covamaker!

Desde principio de curso durante tódolos recreos estamos no taller de tecnoloxía argallando,  fedellando, construindo... Podes vir cando queiras e sumarte ao proxecto que se estea a desenvolver ou, se queres, podes vir  facer realidade as túas propias ideas. Pásate por alí e pregunta!

Non levamos moito tempo pero xa fixemos reloxos de xadrez -construidos e programados por compañeir@s vos@s -, origami, vehículos propulsados, tarxetas de papel con circuitos que as alumean, montamos un robot de Lego que este xoves comezaremos a programar,...

Se nos queredes seguir a través das redes sociais podedes facelo en Twitter e en Instagram: @acovamaker

martes, 3 de decembro de 2019

TEATRO SOBRE E PARA ADOLESCENTES

“Carlos, me llamo Carlos. Tengo 15 años, o 16. Voy al cole, me aburro, salgo con los colegas al parque, bailo hip-hop… y un día conozco a Claudia y… magia.”

A.K.A. (Also Known As) é o fenómeno teatral da temporada, gañador de catro Premios Butaca (espectáculo de pequeno formato, texto, dirección e actor) e dos Premios Max (autoría revelación e actor protagonista). Este monólogo fala sobre a identidade, da diferenza entre o que sentes que es e o que deter­mina a sociedade que es. Do dentro e do fóra.

Escrito por Daniel J. Meyer, fálanos dun período da adolescencia de Carlos do que nós formamos parte. Relátanos o seu día a día aos 15 anos: o instituto, a terapia, o rexeitamento, a rabia e o medo, os amigos, o amor e o desexo, a inxustiza, a relación cos pais… Un momento no que, por circunstan­cias alleas a el, tremelican os seus cimentos, as súas raíces, a súa identidade. Carlos é adoptado… e os ollos dos demais fan que se plantexe cal é a súa “verdadeira” identidade.

Somos o que os outros ven? O que queren ver? O que mostramos? O que ocultamos? O que emerxe cando estamos sós?

O público convértese en xuíz, testemuña e cómplice da evolución do protagonista, que experimenta todos os prexuízos da sociedade cara ao extranxeiro nun momento delicado para o desenvolvemento da personalidade.

Unha proposta honesta e comprometida coa linguaxe e as inquedanzas dos adolescentes, que en raras ocasións teñen oportunidade de ver e sentir reflectido o seu propio universo xeracional, dirixida con moito dinamismo por Montse Rodríguez Clusella.


luns, 2 de decembro de 2019

MADRID RENDE HOMENAXE A ENRIQUE URQUIJO NO 20 ANIVERSARIO DA SÚA MORTE

O domingo 17 de novembro cumplíronse 20 anos da morte de Enrique Urquijo , e unha veintena de artistas déronse cita no Wizink Center de Madrid para rememorar as composicións máis famosas deste cantante madrileño, que fundou "Los Secretos" , un dos míticos conxuntos do pop español dos 80.



venres, 29 de novembro de 2019

C. S. LEWIS: IN MEMORIAM


The British writer Clive Staples Lewis was born on this day, 121 years ago (29 November 1898). As a young boy, he immersed himself in the great works of children’s literature of the time, such as The Tale of Peter Rabbit, by Beatrix Potter. He was also fascinated by Norse, Greek and Irish mythologies. All these aspects hugely influenced what would become his best-known work, The Chronicles of Narnia, a series of seven novels originally published between 1950 and 1956. The series is set in the fictional realm of Narnia, a world plagued by magic, mythical beasts and talking animals. The protagonists are all real children who magically enter the world of Narnia, sometimes called upon by the great lion Aslan to protect his world from evil.

C. S. Lewis’ works have been a significant influence for both adult and children’s literature in the post-World War II era, being cited as an inspiration by Philip Pullman, author of His Dark Materials, or even J. K. Rowling, creator of the Harry Potter saga. Another curios fact is that Lewis held a close life-long friendship with J. R. R. Tolkien, who gained international fame thanks to The Lord of the Rings trilogy. Furthermore, owed to his contributions as a lay theologian and apologist, Lewis’ books display many Christian themes.

While we usually picture juvenile literature authors as having a quiet life, C. S. Lewis survived the trench warfare at the front line in the Somme during the First World War and, after the outbreak of WWII, took child evacuees from London and elsewhere into his own home and fulfilling many other tasks. As we can see, beneath the surface of his tales, we can feel the pulse of the gruesome conflicts he lived.



O escritor británico Clive Staples Lewis naceu no día de hoxe hai 121 anos, o 29 de novembro de 1898. De neno, somerxeuse nas grandes obras da literatura infantil da época, como The Tale of Peter Rabbit de Beatrix Potter, e mantivo unha gran fascinación polas mitoloxías nórdica, grega e irlandesa. Todos estes aspectos influíron no que sería o seu traballo más coñecido, The Chronicles of Narnia, un conxunto de sete novelas publicadas entre 1950 e 1956. Esta serie de libros ambiéntase no mundo ficticio de Narnia, un mundo repleto de maxia, bestas míticas e animais dotados de fala. Os protagonistas son nenos reais que entran por arte de maxia en Narnia, en ocasións chamados polo gran león Aslan para protexer o seu mundo das forzas malignas.

As obras de C. S. Lewis tiveron unha importante influencia na literatura infantil e adulta na época posterior á Segunda Guerra Mundial e resultou ser de inspiración para, entre outros, Philip Pullman, autor de His Dark Materials, ou incluso J. K. Rowling, a creadora da saga de Harry Potter. Outra curiosidade é que Lewis mantivo unha estreita amizade ao longo de toda a súa vida con J. R. R. Tolkien, quen gañou fama internacional gracias á triloxía que compoñen as novelas de The Lord of the Rings. Lewis tamén foi un teólogo laico e apoloxista, como podemos comprobar nos numerosos motivos cristiáns na súa obra.

Se ben adoitamos imaxinarnos aos autores e autoras de literatura infantil e xuvenil como persoas que gozaron dunha vida tranquila, C. S. Lewis sobreviviu á guerra de trincheiras en primeira liña no Somme durante a Gran Guerra e, despois do comezo da Segunda Guerra Mundial, acolleu a cativos evacuados polos bombardeos en Londres e outras cidades ba súa propia casa, entre moitas outras tarefas durante a contenda. Como podemos ver, baixo a superficie das súas historias, podemos notar o latexo dos terríbeis conflitos que viviu.


xoves, 28 de novembro de 2019

CEA DAS LETRAS E FALLO DO XIV CERTAME DE POESÍA ERÓTICA ILLAS SISARGAS


     Desde hai catorce anos vense celebrando a Cea das Letras en Malpica, na que se presenta o libro da persoa gañadora na edición anterior do Certame de Poesía Erótica Illas Sisargas, organizado pola Asociación Caldeirón.
     Este ano poderemos coñecer a fermosa edición de "Marco Livorno", obra do escritor galego Mario Regueira, e por fin poderemos descubrir o fallo desta XIV edición e escoitar da voz do propio autor ou autora algúns dos poemas. Ademais a cea estará acompañada pola actuación musical da Traskiband.
     Este certame é o único na modalidade de poesía erótica existente en Galicia e un verdadeiro encontro poético do que habitualmente xorden mil e un proxectos. 

     Todo un luxo para a Costa da Morte!!!



mércores, 27 de novembro de 2019

PREMIO PLANETA 2019

Empezamos este curso con la recomendación del reciente Premio Planeta 2019, Terra Alta de Javier Cercas. El autor extremeño nos trae una novela apasionante y que impacta por su actualidad en los corazones de los lectores.

La narración comienza con un crimen terrible que sacude la apacible comarca de la Terra Alta: los propietarios de su mayor empresa, Gráficas Adell, aparecen asesinados tras haber sido sometidos a atroces torturas. Se encarga del caso Melchor Marín, un joven policía y lector voraz llegado desde Barcelona cuatro años atrás, con un oscuro pasado a cuestas que le ha convertido en una leyenda del cuerpo y que cree haber enterrado bajo su vida feliz como marido de la bibliotecaria del pueblo y padre de una niña llamada Cosette.


Partiendo de ese suceso, y a través de una narración trepidante y repleta de personajes memorables, esta novela se convierte en una lúcida reflexión sobre el valor de la ley, la posibilidad de la justicia y la legitimidad de la venganza, pero sobre todo en la epopeya de un hombre en busca de su lugar en el mundo.

Por todo lo anterior, lectores y lectoras, os recomendamos esta novela!!! Feliz lectura!!!


martes, 26 de novembro de 2019

O TESOURO DE TADEO JONES

Gustouche “Ice Age”? Queres saber máis cousas sobre a vida de Diego e de Manny? 

Gustouche “Parque Jurásico”? Queres saber máis sobre os terribles tiranosauros e os veloces oviraptors? 

Pois achégate ata a Biblio e colle “Los secretos de la Prehistoria”, de Dougal Dixon. 

Quedastes intrigado por “La momia” ou por “El rey Escorpión”? 

Queres descubrir como se momificaban os antiguos exipcios? Quen era o animal que eles cazaban en barcas, porque representaba a Seth, o deus do Mal? 

Pois achégate ata a Biblio e colle “Los secretos de los egipcios”, de Neil Grant. 

Vistes “Juego de Tronos” ou “Robin Hood”? Queres saber que foron as Cruzadas, as incursións viquingas, os poderes que tiñan nas mans o rei San Luis? 

Pois achégate ata a Biblio e colle “La Edad Media”, de Andrea Bachini. 

Na nosa Biblio atoparás os verdadeiros tesouros de Tadeo Jones: Libros, cómics e pelis que serán os chanzos para axudarte a escalar a novos mundos de coñecementos e de soños. 



Como aconsellaría o noso afamado arqueólogo: “¡ALIMENTA O TEU CEREBRO!”

venres, 22 de novembro de 2019

MULLERES CON CIENCIA: MARGARITA SALAS


Margarita Salas foi unha das mellores científicas do s.XX. Discípula do Premio Nobel de bioquímica Severo Ochoa na Universidade de Nova York, traballou tres anos fuxindo do que chamaba "páramo científico". Máis tarde, en España, fundou o primeiro grupo de investigación en xenética molecular no Consello Superior de Investicacións Científicas (CSIC).
O seu estudo sobre o virus phi29 polimerasa, permitiu revolucionar a técnica sobre os estudos de ADN, que permite amplificar o ADN de forma sinxela, rápida e fiable. A súa patente foi a de maior rentabilidade para o CSIC con aplicacións na medicina forense, oncoloxía e arqueoloxía entre outros ámbitos.
Margarita Salas faleceu este mes de novembro, deixando unha vida que non entendía sen investigación e a que nos podemos achegar con algunhas das súas entrevistas:
CON CIENCIA: MARGARITA SALAS

xoves, 21 de novembro de 2019

200 ANOS DO MUSEO DO PRADO

O pasado martes 19 de novembro o Museo do Prado cumpriu 200 anos, unha longa vida para un museo que posúe máis de 33.ooo obras de arte, das cales poucas máis de 1.700 están expostas.

Doodle que lle adicou esta semana a páxina de Google ao 200 aniversario do museo
O Museo Nacional do Prado, desde que foi inaugurado en 1819 e ao longo da súa historia bicentenaria, cumpriu coa misión de conservar, expoñer e enriquecer o conxunto das coleccións e obras de arte que, vencelladas á historia de España, constitúen unha das máis importantes manifestacións de expresión artística de recoñecido valor universal.

A pesares da súa lonxevidade non deixan de modernizarse, e o museo ven de estrear na súa páxina web unha ferramenta interactiva que consiste nunha liña do tempo que permite comparar os autores e as obras do Museo do Prado con ata catro capas de coñecemento ao mesmo tempo.

Os datos da capa Museo do Prado proveñen da base de datos da colección do Museo do Prado e inclúen toda a pintura, escultura e obras de arte da colección, producida entre os séculos XII e XIX. Os datos do resto de capas recóllense da Wikipedia e Wikidata.

Na capa Museo do Prado, as obras e os artistas aparecen ao inicio do ano de produción da obra ou do nacemento do artista.

Captura de pantalla dunha parte da comparativa Obras-Contexto Histórico
Anímovos a coñecer de cerca o museo, aínda que sexa virtualmente!

https://www.museodelprado.es/coleccion/linea-del-tiempo?pInit=1100-1-1&pEnd=1990-1-1



mércores, 20 de novembro de 2019

SAMAÍN 2019

Rematamos o mes de outubro coa celebración do Samaín. Ao xa tradicional concurso de cabazas, engadimos unha convocatoria de elaboración de microrrelatos de terror en lingua galega coa correspondente lectura dramatizada na nosa arrepiante biblioteca.


1º Premio: Leo García                                    2º Premio:  Antía Castro                          3º Premio: Alba Esmorís

Equipo de Biblioteca, EDLG e vicedirección intentamos crear unha atmosfera medorenta durante o recreo para contextualizar as lecturas dos microrelatos gañadores, velaí unha mostra delas:



1º Premio: Brenda, Aldara e Kelly                   2º Premio: Antía, Olalla e Carlota                      3ª Premio: Alba e Yanira

Noraboa aos premiados e premiadas e moitas grazas e todo o alumnado participante!


martes, 19 de novembro de 2019

ARRANCA O CLUB DE LECTURA

Hai uns días fixemos a xuntanza inicial, chocolatada incluída, para que as seccións do Club de Lectura se reunisen.

Que mellor sitio para encontrármonos un ano máis que a nosa biblioteca, tetricamente decorada para o Samaín?

Algúns grupos xa teñen o seu libro para comezar a ler... Moitos lectores repiten experiencia, outros son novos, non só no Club senón tamén no centro, como os alumnos de 1º ESO, dirixidos pola profesora Marta Gándara.




Recordamos que aínda te podes apuntar nun grupo, nunca é tarde. Pregunta a un profesor encargado da biblioteca, do Club de Lectura (Félix Neira) ou a algún que teña grupo (Jorge Cea, Eva Tizón, Eva Reino, Isabel Segura, Marta Gándara ou Lorena Suárez). Eles daranche información.

Agardamos que as lecturas e a experiencia sexan do voso agrado...

luns, 18 de novembro de 2019

DÍA DA BIBLIOTECA

O novo curso chegou cheo de celebracións na nosa biblioteca, e agora chega ao noso blog, que arranca un novo ano con forza e nov@s colaborador@es. 

O pasado día 24 de outubro celebramos o Día da Biblioteca, e para festexalo o Equipo da Biblioteca xunto co EDLG propuxemos tres concursos nos que participou gran parte do alumnado. Un concurso de fotografía: “Pilladonabiblio”, un concurso de deseño: “Deseña a nosa Mascota”,e un concurso de vídeo: “Booktubers”. 

Deixámosvos aquí as imaxes das obras escollidas, moitos parabéns para @s gañador@s e moitas grazas a todo o alumnado participante!!!

Pilladonabiblio
           1º premio: Leo García                 2º premio: Ainhoa Blanco           3º premio: Lino Souto



Deseña a nosa mascota


        1º premio: Clara Gacio              2º premio: Lucía Rodríguez           3º premio: Chloé Couto

Booktubers


                                                               1º premio: Alba Esmorís


                                         Así de felices ficaron na entrega de premios!!

venres, 21 de xuño de 2019

REMATAMOS O CURSO!! SUXESTIÓNS VERANIEGAS!!

E chegou o fin de curso cos seus apuros e as súas ansias de dar un bo remate a este intenso ano que nos deixa moitos recordos, algúns deles recollidos neste blog. Desde as diferentes seccións facemos esta publicación conxunta para que enchades o voso verán e non nos esquezades ata que voltemos coas pilas cargadas en setembro. Bo verán!

DINAMIZACIÓN LINGÜÍSTICA

Ledicia Costas, autora coñecida no eido infantil e xuvenil, acaba de publicar unha novela orientada a un público máis adulto. Sorpréndenos con Infamia, una novela próxima ao xénero negro e cun tratamento de temas que a sitúan lonxe da literatura para todos os públicos. 

Infamia é a historia de Emma Cruz, unha penalista que vai vivir ao espazo rururbano de Merlo, un lugar marcado pola desaparición de dúas nenas, as irmás Giraud, vinte e cinco anos atrás. En realidade, Emma Cruz é só a escusa para contar a historia colectiva de Merlo, volvéndose así forte a ligazón entre o xénero negro e a novela social. É así que Infamia renuncia á estrutura clásica de "descubrir o criminal". Axiña temos sospeitas máis que fundadas de quen se trata e non tardamos moito en chegar á propia narración do acontecido. Interesa máis destapar o universo de miseria moral que envolve o colectivo: as redes de corrupción, o silencio social imposto, a complicidade e sumisión ao poder...


Aquí tedes, pois, unha proposta entretida, estimulante e cunha ollada innovadora.


Non todo van ser lecturas, tamén vos facemos unha proposta cinematográfica: A favorita (The favourite): Século XVIII. Inglaterra está en guerra con Francia. A raíña Ana (Olivia Colman), gravemente enferma, ocupa o trono mentres a súa conselleira e amiga Lady Sarah (Rachel Weisz) goberna por ela. Abigail (Emma Stone), curmá de Sarah, chega a palacio para se pór ao servizo da súa parente, pero o principal obxectivo erá o de recuperar o seu status social. 


Tivo a súa estrea mundial no 75 Festival de Cine Internacional de Venecia o 30 de agosto de 2018, onde obtivo dous premios: o Premio do Xurado e a Coppa Volpi á Mellor Actriz (para Olivia Colman). Foi lanzado en Estados Unidos o 23 de novembro de 2018 por Fox Searchlight Pictures . A película foi aclamada pola crítica, que eloxiou o seu guión, dirección, cinematografía, música, vestuario, valores de produción e as actuacións de Colman, Stone e Weisz.

O American Film Institute o seleccionou como un dos 10 mellores películas do ano 2018 e ademais recibiu dez indicacións ao Oscar 2019 incluíndo mellor película, vencendo só na categoría de Mellor Actriz para Olivia Colman , ademais de conseguir cinco nominacións ao Globo de Ouro.


ARTES PLÁSTICAS

Se este verán queredes informarvos sobre que está a pasar no mundo da arte contemporánea a nivel internacional, propóñovos que visitedes a web da revista LÁPIZ.
LÁPIZ, revista internacional de arte, foi fundada no 1982 por josé Alberto López, director desta publicación desde os seus inicios. A aparición de LÁPIZ no contexto do inicio dos anos oitenta marcou o comezo da profesionalización da crítica de arte neste país. En poucos anos LÁPIZ xa destacaba coma unha das máis interesantes publicacións dentro do grupo de revistas especializadas en arte contemporánea a nivel internacional. Hoxe é a principal revista de arte e estética en língua española do mercado, con proxección e distribución internacionais.

CIENCIAS

Maker Faire Galicia 2019: Maker Faire é a maior feira de creadores do mundo, un escaparate de creatividade e enseño para todos os públicos e disciplinas (robótica, ciencia, música, arte urbana, etc.)

Convértete nun "Argalleiro". Achégate de balde os días 6 e 7 de xullo, na Cidade da Cultura de Santiago de Compostela.

                                                       


DANZA


Resultado de imaxes para CORPO A TERRA



https://youtu.be/ahiidMl8Df0

Dende o verán 2011, Ourense conta cunha oferta cultural que a través da danza e as artes do corpo promove o encontro do cidadán e turista co espacio urbano. Ao longo de tres días, e cunha programación que se inicia ás 21:00h da tarde, os espectadores percorren a cidade da man deste festival, no que as prazas e recunchos mais emblemáticos, preséntansenos diferentes tras a súa ocupación por parte dos artistas.

Artistas internacionais e galegos, coa especial participación das compañías integradas por coreógrafos, bailarinas e bailaríns de Ourense, serán os encargados das catro actuacións diarias, dunha duración aproximada de 20 minutos, que configura a programación.

XEOGRAFÍA E HISTORIA

Desde o Departamento de Xeografía e Historia imos facer unha recomendación de lectura moi peculiar. Non é un libro, aínda que, obviamente, se pode ler. É unha obriña moi especial, elaborada polos alumnos de 4º da ESO durante todo o curso. É un material inédito, porque moitas das cousas que se contan nunca foron escritas.

É o resultado das modestas investigacións que fixeron estes alumnos para rescatar do esquecemento pequenos datos da nosa intrahistoria, do noso patrimonio. Porque as pequenas historias tamén son historia.


Quen desexe ler a segunda entrega de Memoralia. Cadernos de Historia e Patrimonio, pode preguntar na biblioteca, ou pedirllo a Félix.


Recordade: as grandes esencias ás veces gárdanse en pequenos frascos.

Feliz verán! Máis feliz será se lemos!


LITERATURA EN CASTELÁ


Una vida en palabras, de Paul Auster, editorial Seix Barral.

¿De qué trata? Estas páginas recogen lo más significativo de los cinco años de diálogo entre Paul Auster y la profesora danesa I. B. Siegumfeldt acerca del oficio, el arte y la vida del escritor.

¿Por qué? Perfecto para la legión de incondicionales de Paul Auster, que siempre necesitan más. El libro está plagado de sorpresas y revelaciones que nunca han sido compartidas por el escritor. Una auténtica joya para sus seguidores.


Cuentos de buenas noches para niñas rebeldes 2de Francesca Cavallo y Elena Favilli, editorial Destino.

¿De qué trata? El libro reúne cien historias de mujeres extraordinarias de todos los tiempos, desde Beyoncé hasta Rigoberta Menchú pasando por Isadora Duncan y Nefertiti, retratadas por las 50 ilustradoras más destacadas en la actualidad.

¿Por qué? Aunque sea un libro pensado para el público infantil, está lleno de inspiración, y no importa la edad que se tenga para conocer la historia que hay detrás de estas magníficas mujeres. Además, sus ilustraciones te van a conquistar.


El hundimiento del muelle, de Mark Haddon, editorial D.R.

¿De qué trata? El desmoronamiento de un muelle en un pueblo turístico es el punto del que parte la primera de las nueve historias que nos brinda Mark Haddon en su regreso literario. Son nueve relatos de diferentes géneros (aventura, ciencia ficción, realismo) que reflexionan sobre la soledad y las dificultades para conectar socialmente.

¿Por qué? Su primera novela, El curioso incidente del perro a medianoche, fue un auténtico bestseller que vendió más de un millón de copias. La carrera de Mark Haddon quedó en parte eclipsada y sus siguientes títulos no tuvieron demasiada repercusión pero este nuevo libro le vuelve a poner en la escena literaria y deja patente de nuevo que es un gran narrador. Así que, ¿qué mejor opción que llevarse de vacaciones un libro cargado de brillantes relatos?

LITERATURA EN GALEGO

O curso para a recuperación dos puntos do carné de conducir é o elo de unión do mosaico de personaxes que protagonizan Por puntos, a última novela do escritor Manuel Portas, gañador do premio Blanco Amor 2018, que chegou ás nosas librarías o pasado abril. As circunstancias lévannos á creación de relacións fóra do noso espazo de confort e moitas veces a descubrimos a nosa verdadeira identidade e a das presoas que nos rodean. E, coma na vida mesma, o amor como camiño e esperanza. (Recomendado para bacharelato)


Remexido de patacas é a última novela de Eli Ríos e lévanos ao camiño da empatía, da sororidade e da destrución da desigualdade. Unha receita de éxito incuestionable para mellorar a nosa vida e a da xente que nos arrodea, en palabras da editorial. Atréveste a cociñar o cambio? (Recomendado para 1º ciclo da ESO)


Memoria do silencio, finalista do Premio Jules Verne, é a novela de Eva Mejuto que desde a ollada de tres personaxes achéganos ao mundo da opresión nazi e da loita pola liberdade, e de fondo a Galicia da época da II Guerra Mundial. Unha obra cargada de matices onde vive o medo e de represión pero tamén a valentía e o risco valente. (Recomendada para 2º ciclo da ESO)




MÚSICA

Para este verán recomendarvos que acudades a algún dos moitos festivais de música que se reparten por toda a xeografía galega. Sexa cal sexa o voso estilo musical, atoparedes algún evento deste tipo que vos poida interesar: rock,  pop, folk, tradicional, indie, ... á vez que disfrutades da gastronomía, das paisaxes e da xente .  Nesta páxina tedes máis información :

https://www.festivaisdegalicia.gal/es/inicio/



TEATRO

Normalmente no verán a programación teatral sofre un parón, preferimos realizar actividades ao aire libre, e entrar nun teatro pode apetecernos menos. Para non perder o bo costume de ir ao teatro propóñovos que vos deades unha volta pola canle de Youtube chamada "TEATRO", onde poderedes visualizar entrevistas, vídeos promocionais e obras completas!!
Xa sabemos que ver teatro gravado non é o mesmo, pero desde esta canle asistiremos a representación teatrais que doutro xeito non poderiamos facelo.
Este é o enlace da canle da que vos falo, na que atoparedes diferentes listas de reproducción, unha delas cun total de 50 obras íntegras, este é o enlace:
E dentro desta lista está unha das obras que máis disfrutei nos últimos anos, "En un lugar del Quijote" a cargo da compañía Ron Lalá. https://youtu.be/T61VM4NtrXE
Xa sabedes, a deixar voar a imaxinación!

    "En un lugar del Quijote" de Ron Lalá. (Fonte: páxina web da compañía)

TECNOLOXÍA

A miña suxestión é unha película na que se narran os inicios das grandes compañías tecnolóxicas  de Silicon Valley. O seu título é "Os piratas de Silicon Valley" (1999). Os logros dos visionarios Steve Jobs e Bill Gates revolucionan o século XX e inician o camiño que leva ao estado actual do mundo da tecnoloxía. Esta película está dispoñible na plataforma online Vimeo: VER EN VIMEO 



mércores, 19 de xuño de 2019

...PORQUE LAS ESTIRPES CONDENADAS A CIEN AÑOS DE SOLEDAD NO TENDRÍAN UNA SEGUNDA OPORTUNIDAD SOBRE LA TIERRA

Para rematar el curso comenzaremos con el final de la novela que hoy os vamos recomendar, Cien años de soledad de Gabriel García Márquez., "...porque las estirpes condenadas a cien años de soledad no tendrían una segunda oportunidad sobre la tierra."
Tras leer el final de la citada novela nos damos cuenta de que hemos concluido una obra de arte. Macondo siempre estará en nuestro universo literario y recordaremos con amor e ilusión al coronel Aureliano Buendía, a Amaranta o a Melquíades. 

Y por todo lo anterior os pedimos, rogamos y suplicamos que os sumerjáis en esta lectura maravillosa que a pesar del título nunca os hará sentir solos. Gracias eternas Gabo!!!!


martes, 18 de xuño de 2019

TRINTA ANOS DE HISTORIA... A CINCO COLUMNAS

O alumnado de Historia do mundo contemporáneo do IES Eduardo Pondal de Ponteceso montou unha exposición con primeiras planas orixinais de La Voz de Galicia, para as que elaborou cadanseu texto explicativo. 

Titulada Trinta anos de Historia… a cinco columnas, recolle destacados feitos históricos, como guerras, atentados terroristas, a victoria de Zapatero, a morte de Fraga, o naufraxio do Mar Egeo, a voda real, a abdicación do Xoán Carlos I ou éxitos futbolísticos, entre outros fitos da historia recente. 



Animádevos a botarlle unha ollada e a ler os textos. Que feito vos parece máis determinante no curso dos acontecementos históricos posteriores?

venres, 14 de xuño de 2019

PLANETA OU PLÁSTICO?


Cada vez somos mais conscientes do cambio climático que se está a producir, que sopra no alento das nosas costas e xa asexamos na nosa contorna. Estamos a coñecer como nos últimos dez anos consumimos máis plástico que no século pasado, a sensibilizarnos coa devastadora presencia de plástico nos océanos, con vertidos anuais de case 9 toneladas de residuos plásticos e como, a través da cadea alimentaria, cinco dos alimentos que consumimos decote como o sal, moluscos, peixe e incluso a auga teñen microplásticos.

Á marxe das grandes iniciativas, fáltanos crer como Eduardo Galeano que "Moita xente pequena, en lugares pequenos, facendo cousas pequenas, pode cambiar o mundo".

Así que dende a pequena Ponteceso,

UNHA LECTURA DIFERENTE: MEMORALIA

Despois de todo un curso facendo traballo de campo e preguntando aos máis vellos, xa puidemos recoller, negro sobre o branco, os resultados do traballo de investigación dos alumnos de 4º ESO de Xeografía e Historia. Son varios artigos que xa ven a luz na segunda entrega de Memoralia, os Cadernos de Historia e Patrimonio. Versan sobre Ponteceso, Malpica, Cabana, Carballo (Berdillo) e Muxía. Algúns alumnos incluso aportaron gravación sonora dos contidos da investigación, como as coplas dunha cantareira de Mens ou o diálogo sobre a posguerra entre dúas mulleres de Berdillo.

                                                    

Uns están mellor ca outros, pero todos teñen o seu mérito. Noraboa a todos os alumnos, que ademais remataron hoxe o curso e marchan o luns a Barcelona (non haberá un destino mellor, por certo?). 

                                                      

Na portada, que mellor que unha foto vinculada a Santo Hadrián (parroquial de Corme Aldea) na súa semana grande malpicá? 

Se alguén quere un exemplar, que pase pola biblioteca e o pida...

Saúde!