ARTELLANDO na Biblio

  Chega o SAMAÍN A mediados de outubro, e como todos os anos, no IES Eduardo Pondal comeza a sentirse unha certa inquedanza... está a chegar o SAMAÍN e temos que prepararnos!!! Este ano, como novidade imos celebrar o SAMAGOSTO!!! unha mestura entre o Samaín e o Magosto, ambas festas que nos gustan tanto. Por iso, desde a biblio chegamos cargadiños de propostas: un concurso de cabazas, unha exposición de libros "terroríficos", outro concurso de microrrelatos de medo... e para todos eles... HAI PREMIOS!!! Por agora, imos informando...                                                                                  

  A finais de setembro o equipo da biblioteca puxo en marcha unha nova edición da formación de usuarios, principalmente para os novos estudantes que chegan ao centro.      Así, durante unha semana e media, todo o alumnado de ESO, 1º de Bacharelato e 1º de FPB foron baixando á biblioteca para coñecer a disposición dos fondos bibliográficos, as diversas seccións temáticas que poden consultar, as actividades que se ofertan como o Voluntariado, os Clubs de Lectura, a Radio, etc.      E despois de moito atender e aprender, realizaron uns xogos de busca de libros, ordenación e consulta de información.