xoves, 28 de febreiro de 2019

O ÚLTIMO SEGREDO DE SOFÁN



            A propósito das mártires de Sofán, recordadas estes días en Carballo e citadas por Castelao nun par de ocasións, é certo que non se tiña publicado o dato de cando morrera e onde fora soterrada unha delas, María Serrano Paz, falecida no Hospital Xeral de Santiago. Pois ben, queremos hoxe aportar a súa partida de defunción, atopada nos fondos do Hospital Real, actual Hostal dos Reis Católicos. Dela dedúcese que os seus restos mortais se perderon para sempre, pois o camposanto citado, o de San Domingos de Bonaval, xa non existe como tal. 

O documento di así na súa literalidade: “Serrano Paz, María. En el Gran Hospital de Santiago, a las cinco horas del día dos de marzo, del año mil novecientos diez y nueve, falleció en la Sala del Carmen, confortada con los auxilios espirituales, y a consecuencia de septicemia, según información facultativa, la enferma María Serrano Paz, de treinta y tres años de edad, natural y vecina de Sofán, Carballo, provincia de la Coruña, siendo su estado soltera. La finada era hija de Andrés y Antonia, a su cadáver se le dio sepultura eclesiástica en el Cementerio General de esta Ciudad. Y para que conste, lo firmo como capellán de servicio. Daniel Blanco Otero”. Case quince días, pois, de sufrimento gangrenoso para a mártir María. Xa que non se poderán honrar os seus restos, hónrese polo menos a súa memoria.





            

mércores, 27 de febreiro de 2019

PINK UNICORNS



Nesta ocasión preséntovos unha actuación chamada " Pink Unicorns" da compañía de danza " La Macana ". É unha actuación moi especial xa que en escena atopámonos cunha historia entre pai e fillo que é ficción e realidade ao mismo tempo.

Historia entrañable expresada co movemento, unha oportunidade de ver a estes dous artistas xuntos, con momentos de risas, críticas e pura diversión.

O día 27 de abril podedes atopalos no Pazo da Cultura de Carballo.

Non volo perdades.




luns, 25 de febreiro de 2019

ARCO MADRID 2019

Entre o 7 de febreiro e o 3 de marzo "ARCOmadrid 2019" reunirá un total de 203 galerías de arte de 30 países, das cales 165 integran o Programa Xeral, sumándose a elas as seccións comisariadas: ´Perú en ARCO´, cunha selección de 23 artistas de 15 galerías; ´Diálogos´, con 13 e ´Opening´, con 21.

Un programa que terá como eixe a calidade e singularidade do artista, impulsando a exploración de novos talentos e contidos para coleccionistas e profesionais. Así, do total de galerías seleccionadas polo Comité Organizador e polos comisarios dos diferentes programas, perto dun 40% participa con programas enfocados á presentación dun dos artistas de distintos entornos, reforzando a ARCOmadrid coma un espazo para o coñecemento da obra de artistas de distintas xeracións.

"Alepo" conxunto escultórico de Francisco Leiro en Arco 2018

A participación de Perú coma "País Invitado" ven consolidar a proxección de "ARCOmadrid" como referente latinoamericano en Europa. Así, Latinoamérica será unha das principais representacións internacionas da Feira. Deste xeito, do 70% que acada nesta edición a participación internacional, o 29% o acapara a presencia artística do continente americano, coa participación de 40 galerías de 12 países da rexión, ás que se unen contidos latinoamericanos en galerías doutras nacións, posicionando unha vez máis a "ARCOmadrid" como punto de encontro e intercambio entre Europa e Latinoamérica.

Neste contexto, Madrid en febreiro será un excepcional momento para celebrar o coleccionismo en Latinoamérica coa coincidencia de diferentes proxectos que poderán verse nos principais centros de arte e museos da capital.

venres, 22 de febreiro de 2019

CONCURSO DE MICRORRELATOS: A MULLER.



Agora que nos estamos achegando á data do 8 de marzo, Día Internacional da Muller, propoñémosvos dende a Biblioteca e o EDLG un concurso de microrrelatos que estean relacionados con esta temática da muller.

Os microrrelatos terán aproximadente 200  palabras en lingua galega e serán enviados por correo electrónico á seguinte dirección: biblioaponte@gmail.com.
A data límite para o envío dos microrrelatos será o vindeiro venres 1 de marzo. Os textos gañadores daranse a coñecer o 8 de marzo durante o recreo na Biblioteca onde se fará a lectura dos mesmos e se entregarán os correspondentes agasallos.


Moito ánimo para participar!


xoves, 21 de febreiro de 2019

COSTA DA MORTE: UNIVERSO LITERARIO

Un dos grandes atractivos de O exército de fume, de Manuel Gago, que recomendamos a semana pasada, é a xeografía cambiante do escenario narrativo, que corresponde a moitos lugares de Galicia (provincias da Coruña e Pontevedra), pero sobre todo á Costa da Morte. Precisamente por este último motivo, a súa lectura é especialmente recomendable.

Aí van exemplos. Laxe e o seu lugar de Arbia (cal será?). Ponteceso ten gran protagonismo: non só a vila en si, senón tamén Brantuas e Niñóns (fermosa praia, na foto) e os seus canteiros, tamén aparece Cores fugazmente, e Corme e os seus mariñeiros. Mais o núcleo xeográfico da trama é Valdeareas, nome ficticio de Valarés. Tamén están Camelle e Santa Mariña, no concello de Camariñas. E o Monte Neme. E Varilongo en Santa Comba...


Aínda non tes o libro nas mans?

Na biblioteca temos un exemplar! A que agardas?

Ata outra...

mércores, 20 de febreiro de 2019

#BIBLIOAPONTE POLA PAZ

Deixámosvos aquí as imaxes que resultaron gañadoras no concurso convocado dende a biblioteca co gallo do "Día da Paz".
Parabéns a Candela Lema e a Lucía Rodríguez, ás gañadoras!!


             "Dame paz que problemas sóbranme"                              "Soña cun mundo de amor e paz, e farémolo realidade"

martes, 19 de febreiro de 2019

FACER TURISMO SEN SAÍR DA CASA

Grazas o proxecto Open Heritage  podemos explorar lugares icónicos, emprender viaxes virtuais e descargar as mellores fotografías. No ano 2018, Google asóciase coa empresa sen ánimo de lucro, CyArk, a cal adícase a escanar en 3D, co fin de axudar a preservación de lugares históricos.  Conmocionados pola completa destrucción de estatuas budistas do século V as mans dos talibáns en Afganistán, Ben e Barbara Kacyra comenzan a capturar e dixitalizar monumentos antes de que puidera voltar a ocorrer o mesmo. E conseguírono. Por exemplo, o templo Ananda Ok Kyaung en Bagan (Myanmar) sufriu danos graves nun terremoto no ano 2016, pero tiña sido escaneado con anterioridade, e agora pódese facer unha visita interactiva 


O mesmo pasou coa cidade de Palmira, un dos lugares máis danados polo Estado Islámico, o cal conquistou  o lugar e pouco despois voou o templo de Baal Shamin,adicado a un deus fenicio e que contaba con 1900 anos de antigüidade.
Según afirma ACNUR na súa web, a maioría dos lugares declarados Patrimonio da Humanidade están en perigo , por estar situados en países en conflicto. É a nosa obriga coidar do noso patrimonio, xa que é o legado das vindeiras xeracións.
Google Arts & Culture é o apartado dentro do xigante que é Google, onde podemos atopar esta fantástica iniciativa. Animádevos a facer turismo dende o sofá das vosas casa!
Deixóvos un vídeo de presentación do proxecto Open Heritage, onde podedes activar os subtítulos en español.


luns, 18 de febreiro de 2019

VENRES CULTURAIS 2019 EN CARBALLO

O concello de Carballo xa ten en marcha a súa programación cultural para o primeiro trimestre do ano, que consta de cinco espectáculos infantís, catro funcións de teatro para adultos, tres concertos e cinco exposicións, ademais dun ciclo de cine. Todo isto baixo a denominación de Venres Culturais 2019.

Este venres, 22 de febreiro podedes achegarvos a gozar de "Dúas donas que bailan", a cargo da compañía TEATRO DO ATLÁNTICO.
Unha muller maior, que soña cunha viaxe a París, resístese a abandonar o piso no que habita. Os fillos e o dono da vivenda teñen outros plans. Outra muller chegará para facer as labores da casa e cada xornada convértese nun inquietante e cómico “toma e daca”. Unha das compañías galegas máis sólidas, que recibiu recentemente o Premio da Crítica de Galicia, preséntanos un agasallo teatral, adobiado de humor malvado. Compartiremos os soños e os fracasos de dúas fortes mulleres que se enfrontan ao alzhéimer, á soidade, ao desencontro xeracional e a outros asuntos que impón a sociedade contemporánea. Invadiranos a tenrura.
Intérpretes: María Barcala e María Ángeles Iglesias / Espazo escénico: Antonio F. Simón / Espazo sonoro: Brais Morán / Tradución e axud. dirección: Aleixandre Lago / Dirección e dramaturxia: Xúlio Lago / Autor: J. Mª Benet i Jornet.

Déixovos aquí o enlace a toda a programación:

venres, 15 de febreiro de 2019

UTE LEMPER

Cantante e actriz alemá. Estrela de grandes musicais como Chicago ou Cabaret. Ten formación como pianista, cantante e bailarina clásica. Ten colaborado con  Michael Nyman, Tom Waits ,Elvis Costello, Nick Cave ou Philip Glass .



Poderás disfrutar da sua música no ciclo Galicia Importa, o 30 de maio deste ano no Teatro Colón de A Coruña.

xoves, 14 de febreiro de 2019

THE GREAT GATSBY: A FAILED AMERICAN DREAM

Since today is Saint Valentine's day, we couldn't help recommending you the abridged version of the novel The Great Gatsby, that you can find in our section of literature written in English. We thought about this masterpiece because it is a wonderful story of a man so in love that everything he does revolves around winning back the love of his life. 

F. Scott Fitzgerald's novel,The Great Gatsby, follows Jay Gatsby, a man who orders his life around one desire: to be reunited with Daisy Buchanan, now a married woman.They met years earlier when he was in the army but could not be together because he did not yet have the means to marry her. In the intervening years, Gatsby made his fortune, all with the goal of winning Daisy back. He bought his house so that he would be near her and hosted elaborate parties in the hopes that she would notice him.

Published in 1925, The Great Gatsby is a classic piece of American fiction. It is a novel of triumph and tragedy but above all, a wonderful portrayal of the failure of the American dream.

Resultado de imagen de scott fitzgerald



Besides, there are many films based on this novel, the last one released in 2012 and starring Leonardo Dicaprio in the role of Gatsby.


--------------------------------------------------------------------------------------------------------------------------
Resultado de imagen de the great gatsbyComo hoxe é o día de San Valentín, non puidemos evitar recomendarvos a versión adaptada da novela El Gran Gatsby, que podedes atopar na sección de literatura escrita en inglés. Pensamos nesta obra maestra porque é a maravillosa historia dun home tan namorado que todo o que fai na súa vida xira ao redor da súa intención de recuperar o amor da súa vida...

A novela de Fitzgerald segue a Jay Gatsby, un home que organiza a súa vida ao redor dun desexo: xuntarse con Daisy Buchanan, agora unha muller casada. Coñecéronse anos antes cando el estaba no exército, pero non puideron estar xuntos porque carecían dos medios para casaren.

Nos anos seguintes, Gatsby fixo fortuna sempre coa intención de recuperar a Daisy. Mercou unha casa preto dela e daba festas moi luxosas para que ela se fixase nel.

Publicada en 1925, O Gran Gatsby é un clásico da literatura americana. E unha novela sobre o éxito e a traxedia, pero sobretodo unha maravillosa reflexión sobre o fracaso do soño americano.

Ademais hai moitas películas basadas nesta novela, a última en cines no 2012. Leonardo Dicaprio interpreta a Gatsby.

mércores, 13 de febreiro de 2019

REGUEIFA

Hai uns días, co gallo de estudar as cantigas satíricas medievais e, en concreto as "tenzóns", fixemos, na aula de 3ºA, unha comparativa coas regueifas tradicionais e actuais. Sen sabelo, tiñamos na clase o neto dun regueifeiro da zona, quen lle propuxo ao avó, Adolfo Castro Cotelo (de Tallo), se lle axudaba a compoñer unha regueifa para a clase. Aquí tedes o resultado e un anaquiño do audio que tivo a ben gravar para nós o autor.
Fixádevos que esta regueifa é ben curiosa; xa que, dá conta dos regueifeiros da zona que, hai uns anos, gozaban dunha certa sona.

Moitísimas grazas, Adolfo. Un pracer. 



Mui boas tardes Amalia
que che sirva de consello
vouche dedicar unha copla
do teu alumno Diegho

aghora xa que empecei
voulle dare a barrere
cantos me caian por diante
heille de dar que facere

heille de dar que facere
pois non me costa traballo
queres saber donde eu son
son da parroquia de Tallo

os da parroquia de Tallo
dighocho de contadiño
ali houbo un cantadore
que se chamaba Calviño

que se chamaba Calviño
pois non me costa traballo
e ainda houbo outro tan bo
no concello de carballo

no concello de Carballo
eu non che hei decir nada
pero o lado de Calviño
ningún valía pra nada
  
Calviño era mui bo
un home moi competente
cando se poñia a cantare
facia temblar a xente

pois a toda esta xente
que doumoito que falare
quedaron historias bonitas
que non saben recordare

había que recordare
a todas estas memorias
pra que algún dia os nenos
souberan estas historias

son aquí de ponteceso
amigho dos meus vecinos
coñezo os regheifeiros
da comarca de Bergantiños

os regheifeiros de hoxe
non che vou decir que non
non pensan coa cabeza
nin cantan co corazón

os regheifeiros de antes
eran de naturaleza
cantaban co corazón
pensaban coa cabeza
  
o cantar non ten amaño
non da tempo que pensare
cando acaba o compañeiro
xa ti tes que contestare

xa ti tes que contestarhe
porque eso non pode serhe
porque o tema da regheifa
non se pode aprenderhe

alghún moi espabilado
facendo que era un rapas
corria moito de primeiro
e despois daba marcha atrás

despois daba marcha atrás
que quedaba empexeghado
porque cas historias del
non cheghaba a ninghun lado

eu teño 14 anos
dighocho de contadiño
pro cando sea maior
quero ser coma Calviño

hei de seghir as historias
eso con moita paciencia
porque se o miro ben
tamén che ven algho de herencia

venme algo de herencia
que eu ben sei o que me pasa
porque sinto moitas veces
ali o maestro na casa

cando empeza a cantare
eu quedome algo parado
eu non sei donde se quitan
esas cousas de contado

xa imos medios cansados
deixamos para outro dia
con estas boas palabras
damosvola despedida






martes, 12 de febreiro de 2019

LA JOVEN DE LAS NARANJAS: UNA PEQUEÑA HISTORIA FILOSÓFICA PARA GRANDES JÓVENES LECTORES

Jostein Gaarder saltó a la fama en 1991 con la publicación del libro de reflexión filosófica El mundo de Sofía. A partir de este bestseller el autor noruego se especializo en literatura juvenil pero siempre con un claro matiz filosófico en el que el lector debe responder a numerosas preguntas implícitas que se plantean en sus novelas.
Hoy desde nuestro blog os invitamos a la lectura de su novela La joven de las naranjas. La historia comienza así: “Mi padre murió hace once años, cuando yo sólo tenía cuatro. Creí que no volvería a saber nada de él, pero ahora estamos escribiendo un libro juntos...»


A partir de este inicio algo triste el autor hace reflexionar al lector sobre la intensidad de la Vida, pero también sobre la muerte. Una historia que nos habla del Tiempo y sobre qué somos realmente, qué misterio compartimos con el universo. ¿Elegiríamos nacer, y conocer la vida en toda su intensidad, sabiendo que quizá sea para permanecer sólo un instante en ella? ¿O rechazaríamos la oferta?


Georg, un joven de 15 años apasionado por la astronomía, encuentra una antigua carta que su padre escribió para él al saber que iba a morir. En ella le cuenta el gran amor que sintió por la misteriosa Joven de las Naranjas para finalmente formularle una importante pregunta, a la que Georg debe responder. Antes de contestar, Georg habrá escrito un libro con su padre, un libro que va más allá del tiempo y de los límites de la muerte.



Por todo lo anterior os emplazamos a la lectura activa y meditada aunque sabiendo que solo tenemos momentos para vivir, así que “CARPE DIEM”
                                                                                                                 

luns, 11 de febreiro de 2019

SAN FILIPE II

De entre todos os santos e todas as santas que poboan as igrexas galegas -e incluso non galegas- salientan con especial forza, pola súa devoción, santo Antonio de Padua (ou de Lisboa), portugués, e san Roque de Montpellier, occitano. Este santo, avogoso contra a peste, substituíu ao que na Idade Media cumprira este cometido, san Sebastián.

Moi interesante e curiosa é a talla que achegamos hoxe, da igrexa cántabra de santa María de Lebeña, xoia do románico nesta rexión. Resulta que, segundo a tradición, para o rostro do san Roque deste fermoso lugar da Liébana o artista teríase inspirado nada máis e nada menos que no rei Prudente, Filipe II, aquel en cuxos dominios nunca se poñía o sol. E incluso foi ataviado co típico sombreiro alto que o monarca entón máis poderoso do mundo usaba, negro por suposto, austeridade pura.

Ten un aire filipino, certamente. A lenda é fermosa, abofé. E "se non è vero, è ben trovato".

Non sempre a arte, a relixión e a historia se conxugan de forma tan deliciosa.

Ata outra...

xoves, 7 de febreiro de 2019

ESOPÍAS?


A Esopía é un relato, comentario ou poema, cun máximo de 140 carácteres (chío), onde cada palabra leva un número de letras igual ás sucesivas cifras do número π.


Rió y dijo:"Y nadie escribirá un relato mejor con estos malditos decimales, números infinitos que no nos incumben nada"





Queremos saber ata onde podedes chegar co voso inxenio e creatividade elaborando unha Esopía. Para isto achegámosvos unha plantilla:  https://mateblog.agapema.org/images/docs/esopia_plantilla.pdf
Terédela que presentar antes do 15 de marzo nesta ligazón: https://mateblog.agapema.org/participa
A entrega de premios será na Feira Matemática 2019. Botádelle un ollo a  https://mateblog.agapema.org/esopias se tedes dúbidas.
Quen dixo que non podiamos facer poesía coas matemáticas?


mércores, 6 de febreiro de 2019

MULLERES ARTISTAS

A galería Belvedere, en Viena, recupera cunha gran exposición a obra de case 60 mulleres artistas olvidadas do modernismo austríaco. Mulleres que compartiron notoriedade co pintor austríaco Gustav Klimt.
Os artistas da época intentaron silencialas pola súa condición de mulleres, sendo apartadas dos círculos de intelectualidade por cuestión do seu xénero. Pero lonxe de deixarse pisar, estas mulleres loitaron contra os roles de esposa e nai e conseguiron acadar a escena artística da época en Viena. Elas crearon os seus propios clubs e lograron sólidas carreiras artísticas.
Entre 1900 e 1938, os anos que abarca a exposición, estas mulleres acadaron a consideración que merecían as súas carreiras. 
"Dreams" de Helene Funke de 1913

Déixovos o enlace ao artigo do periódico EL PAÍS onde nos falan desta exposición que se poderá visitar ata o próximo 19 de maio.

martes, 5 de febreiro de 2019

ESCRIBES?



Se es desas persoas que entre as súas afeccións está a de escribir, aquí tés a oportunidade de amosar todo o teu talento:


A Real Academia Galega e a Asociación PuntoGal convocan a segunda edición do certame de microrrelatos que crearon en 2018 co obxectivo de reforzar a presenza da lingua e da identidade propias no mundo dixital. O prazo de presentación dos textos, dun máximo de 200 palabras, permanecerá aberto durante o mes de febreiro, cadrando coa campaña de promoción de PuntoGal que permitirá rexistrar un dominio .gal para dous anos a un prezo de 15 euros máis IVE.

Nesta ocasión repartiranse nove premios, tres en cada unha das novas categorías distribuídas por idades co propósito de facilitar a participación de todo o público. Na infantil poderán participar nenos e nenas de ata 11 anos; na xuvenil, mozos e mozas de 12 a 17 anos; e na de adultos, calquera persoa maior de idade.

As persoas que desexen participar no concurso deberán enviar os textos, de ata 200 palabras e en galego, ao correo electrónico actividades@academia.gal entre os días 1 e 28 de febreiro. Os gañadores recibirán distintos premios tecnolóxicos –ordenadores, consolas, lectores electrónicos de libros- e relacionados coa lectura. As bases completas e a lista de premios están dispoñibles nas web da RAG e na de PuntoGal, www.asociacion.gal ou podes acceder directamente nesta ligazón.






Animádevos a participar e amosar as vosas habilidades na arte de narrar!

luns, 4 de febreiro de 2019

NAZIS EN PONTECESO

Non todos os concellos de Galicia gozan do privilexio de teren obras literarias baseadas no seu espazo xeográfico e histórico. Bergantiños en xeral e Ponteceso en particular están de noraboa, coa novela O exército de fume, de Manuel Gago, que temos xa na nosa biblioteca, no apartado de novidades.

O pano de fondo é a Segunda Guerra Mundial, e o escenario é Laxe e Ponteceso, pero tamén A Coruña ou Vigo. O autor estrutura a narración en capítulos, algúns moi breves, que nos trasladan a diferentes espazos, incluso doutros países como Londres, onde podemos recrearnos na personalidade do premier británico, Winston Churchill.

É unha historia de espías, militares, prisioneiros, guerra aérea e submarina, wolfram, a discutible neutralidade da España de Franco na guerra... E ata aparece Lugrís, o pintor Lugrís... que tamén deixou obra en Malpica.

Paga a pena. Non vos defraudará.



venres, 1 de febreiro de 2019

BIBLIOAPONTE POLA PAZ


Este pasado mércores 30 de xaneiro vén de conmemorarse o Día Escolar da Non Violencia e a Paz.

Dende a Biblioteca e o EDLG pensamos nunha actividade que nos e vos permita facer visible esta iniciativa: Concurso de fotografía e #hashtag#.


Consiste en que colguedes no voso Instagram antes do luns 4 de febreiro unha imaxe ou unha cita relacionada coa celebración do día  da paz e a enlacedes co Instagram da biblioteca do instituto: biblioaponte co hashtag: #biblioapontepolapaz.

Animádevos a participar!