venres, 29 de maio de 2020

UN NOBELO CAE AO CHAN E CAMBIA O MUNDO

“Un nobelo cae ao chan e cambia o mundo. E outro nobelo. E outro nobelo. E outro nobelo. Mesturando entre si as cores mestas. Formando o máis rexo tecido”. 

Ide collendo as aguzadas agullas da reflexión e enfiade con elas o complicado nobelo da concienciación social para ir, puntada puntada, enguedellando eses fíos de vida que se chaman Matilde, Anxos, Rebeca, Elvira, Luz e Fernanda, espellos das diversas discriminacións que sofren as mulleres neste aparentemente evoluído S XXI, que descubren e suman as súas fortalezas – fíos azuis da concordia, fíos vermellos da rebeldía – nese poderoso nobelo morado que se chama tía Davinia. 

Lede “O club da calceta”, de María Reimóndez, unha obra imprescindible para que, vós, as rapazas descubrades a vosa forza interna e para que vós, os rapaces, aprendades a compartir esa integridade feminina que o machismo secular tenta ferozmente esnaquizar. 

Veña, a coller os puntos soltos e, entre todos, trenzaremos o novo xersei da igualdade de sexos! 


mércores, 27 de maio de 2020

BAUHAUS E DANZA


Fundada no século XX por Water Gropius, en Alemaña surxe unha escola que crea un nexo entre artesáns e artistas, a Bauhaus. A súa filosofía atística era moi innovadora xa que creaban obxectos de deseño que rompían cos esquemas vistos ata o momento.

Dentro de esta práctica tamén tocaban todas as manifestacións artísticas entre as que se atopaban o teatro e dentro deste, a danza.

As danzas mostraban coreografías con xestos simples e traxes moi orixinais. Facían movementos simples, como camiñar ou saltar e os bailaríns semellaban bonecos con accesorios xeométricos.

En definitiva, un modo de facer único que marcou un antes e un despois no mundo das artes plásticas e da danza.



O equipo do taller de baile era levado un dos profesores da Bauhaus chamado Oskar Schlemmer.

Un enlace das danzas :

El ballet lisérgico de Oskar Schlemmer

https://youtu.be/dvFI_5E6Oqw

martes, 26 de maio de 2020

LETTERING OU A ARTE DE DEBUXAR LETRAS

Nesta ocasión quero propoñervos un método para desintoxicarse da pantalla e facer cousas coas mans, para evadirvos do día a día. Imos debuxar, pero nesta ocasión imos debuxar letras. Quero falarvos dunha disciplina artística chamada “Lettering” que nos últimos anos ten moito éxito entre deseñadores, afeccionados as manualidades ou persoas con inquietudes artísticas que aman a beleza e a creatividade. 

O Lettering está considerado coma unha combinación entre tipografía e debuxo. Non debemos pensar que é un xeito de facer caligrafía, xa que fuxe de todas as normas desta. Nesta disciplina non hai regras de separación, escala ou forma. Os manuscritos e os iluminadores da Idade Media son os referentes no nacemento desta técnica. Poderiamos dicir entón que o Lettering consiste en deseñar unha imaxe artística na que as letras formen unha composición creativa e harmónica. Para practicar esta técnica podemos empregar acuarela, xiz ou outros materiais, pero os rotuladores de punta flexible son os máis axeitados se somos principiantes. 

Déixovos a continuación o enlace ao curso de Lettering que de xeito gratuíto ofrece a canle de youtube da Srta.RocknRoll, onde tamén poderedes descargar modelos para empezar a practicar.

E non quero rematar esta entrada sen un par de recomendacións máis. Un é un artigo titulado 20 calígrafos y artistas del lettering que deberías conocer publicado na páxina web de Gráffica, e outro é unha entrada da revista dixital YOROKOBU sobre Iván Castro, un referente no Lettering no noso país.
Imaxe de Iván Castro da revista dixital YOROKOBU

luns, 25 de maio de 2020

A EDUCACIÓN EN GALEGO MÁIS VIVA QUE NUNCA!


Hoxe vouvos falar dun interesante proxecto educativo que xurdiu como resposta solidaria do corpo docente galego á situación de emerxencia educativa derivada da pandemia polo coronavirus, trátase do portal educativo AULAS GALEGAS.


Falamos dun grupo de traballo colaborativo realizado por profesoras e profesores sen ánimo de lucro  que pretende ofrecer unha axuda educativa ao alumnado, ás familias e ao resto do profesorado. Neste portal podemos atopar recursos e materiais educativos en galego. Cada día publícase material clasificado por nivel académico e materiais para as etapas de Educación Infantil, Primaria, Secundaria e Bacharelato.

Durante estes últimos meses estivemos na casa pero non por iso temos que estar parados, a educación en galego continuou e continúa. Botádelle un ollo a este proxecto, de seguro que vale a pena, aquí tedes o enlace: https://aulasgalegas.org/


venres, 22 de maio de 2020

OUTRA DE PESTES: O DECAMERÓN DE BOCCACCIO


Nesta última recomendación da sección do Club de lectura, queremos recordar outra gran obra da literatura universal vinculada en parte ao motivo da peste: Decamerón. O seu autor, Giovanni Boccaccio, escritor italiano do s. XIV, é unha das estrelas da constelación literaria do Renacemento italiano, xunto a Petrarca e Dante. Decamerón é unha colección de cen contos que comeza coa descrición da peste bubónica ou peste negra, que se abateu sobre Florencia.


Sete mulleres e tres homes foxen da epidemia e, refuxiados nas aforas da cidade, contan estas cen historias, durante cen días; precisamente isto é o que significa o título: cen días. A temática é moi coherente con esa época próspera e feliz que foi o Renacemento, e non faltan o amor, o enxeño ou as bromas, pero sen esquecer que a vida humana tamén está sometida ás sombras da morte, e a peste o demostra.

É un libro contundente, pero sempre poderemos facer lecturas soltas, dado o seu carácter de colección.

Canda o sol, que o verán nos ilumine con boas lecturas, ou polo menos con lecturas…

xoves, 21 de maio de 2020

A PALABRA ATOPA O CAMIÑO CARA A NOSA CASA.

O confinamento non conseguiu parar a educación nin as ganas de ler. Grazas á existencia de bibliotecas e hemerotecas dixitais, podemos ter a información a un só clic. Nada terá o encanto da nosa biblio... mais podemos seguir traballando e desfrutando das boas letras dende a casa. 

Existen varias plataformas dixitais que nos permiten acceder á información e á lectura de libros electrónicos de maneira legal e gratuíta e dende a biblio, queremos recomendarvos algunhas. Imos aló:
  • O noso carné de biblioteca xa era unha chave máxica que nos permitía acceder a un catálogo de libros e películas en galego e castelán. Co gallo da corentena, o servizo  GaliciaLe abriuse a todos e todas polo que, poderás gozar de boas lecturas igualmente. Se che gusta a experiencia, unha vez finalice o confinamente, terás 30 días para solicitalo. Soa ben, verdade?
  • Galiciana é unha biblioteca cuxo principal interese reside na consulta de textos históricos dixitalizados.
  • Dentro da rede de Bibliotecas Públicas  podemos acceder á Biblioteca Municipal de Nájera, que nos achega un entorno virtual no que podemos consultar a prensa diaria, obras da literatura universal, diferentes dominios web e moito máis!
  • Proyecto Gutemberg consiste nun prezado repositorio de textos realizado por voluntarios de todo o mundo, o que vos permitirá ler e traballar varias linguas.
  • Europeana é a Europa o que Galiciana a Galicia. O máximo interese reside na súa hemeroteca histórica, con imaxes de época e información en diferentes linguas.

 Non perdades a oportunidade de seguir conectados á literatura e á información!! Boa lectura!



 

martes, 19 de maio de 2020

INSTRUCCIONES PARA EMPEZAR A HABLAR GALLEGO

Se non tivera irrompido nas nosas vidas este famoso virus, esta semana teriamos gozado dunha representación teatral no noso instituto. Xa polo mes de marzo o alumnado de Teatro e de Dramatización realizou a escolla duns textos para agasallar a toda a comunidade educativa coa maxia do teatro, e dese xeito festexar por todo o alto as Letras Galegas 2020. Todos estes textos foron escollidos do libro de Sechu Sende "Made in Galiza", e en todos eles a fala ten un papel principal.

Xa que non tivemos a posibilidade de festexar as Letras no centro, Ainhoa, Laura, Rita, Vitor, Pedro, Lara Varela, Carla e Lara Bazar, todos eles alumnos e alumnas de Teatro de 1º da ESO, non quixeron deixar pasar a oportunidade de compartir con todos nós esta pequena homenaxe que tiñan argallado  para as Letras. Parabéns a todos e todas polo resultado! Sodes o futuro do teatro!


luns, 18 de maio de 2020

LITTLE RICHARD




Little Richard, falecido o pasado sábado aos 87 anos, foi un dos grandes pioneiros do rock'n'roll', un dos pais fundadores sobre os que logo se levantou a cultura xuvenil. Tivo unha carreira fulgurante nos cincuenta para logo desaparecer e, xa de forma intermitente e abandoando o rock'n'roll da primeira escola, regresar con distintas incursións a outros estilos. Aquí vos deixo un dos seus himnos musicais.




domingo, 17 de maio de 2020

UN 17 DE MAIO DIFERENTE.

Un 17 de maio diferente é o que nos toca vivir este ano, mais non por iso deixemos de celebrar o día das nosas letras, o Día das Letras Galegas.
A situación provocada pola pandemia da COVID - 19 levou a RAG a tomar unha decisión inédita nos cincuenta e sete anos de historia do Día das Letras Galegas: trasladar esta celebracíon da cultura galega ao 31 de outubro, xusto un día despois do 110 aniversario do nacemento do autor homenaxeado, Ricardo Carvalho Calero
Malia os cambios no calendario de actividades conmemorativas presenciais arredor do Día das Letras Galegas, o 17 de maio debe de ser igualmente unha gran celebración colectiva para toda a cidadanía galega e para iso cómpre valermonos de todas as posibilidades que nos ofrece o mundo dixital que tanto se está aproveitar nestes tempos de obrigado afastamento social.
A RAG ofrécenos dende un proxecto de divulgación da figura do escritor e profesor Carvalho Calero para un público infantil chamado Primavera das Lexras (http://primaveradasletras.gal/) ata a participación no concurso Contádenos o voso día das Letras, proposta cuxo prazo de participación se ampliará ata o primeiro trimestre do curso próximo.

Podedes achegarvos  á traxectoria vital e profesional do autor a través deste enlaces que nos leva aos carteis e as guías preimiadas no Concurso - Exposición das Letras Galegas 2020 dedicado a Carvalho Calero:  https://www.lingua.gal/letras-galegas?content=/Portal-Lingua/Contido/recursos/letras-galegas/2020/contido_0007.html.
Unha proposta visual moi interesante é a colección de 24 caricaturas de Carvalho Calero debuxadas por Siro para representar ao escritor ferrolán en distintas época da súa vida, dende a mociade ata a vellez. Tédelas no seguine enlace:https://www.lingua.gal/letras-galegas?content=/Portal-Lingua/Contido/recursos/letras-galegas/2020/contido_0008.html

Mesmo se vos achegades por primeira vez á obra do autor podedes comezar por este primeiro poema que Ricardo Carvalho Calero escribiu en galego, un poema inédito que o proxecto Sementes Trasancos acaba de facer público este sábado 16 de maio. "A Galiza" é o título desta composición que a asociación gravou e colgou no seguinte vídeo na plataforma Youtube.


Disfrutade del, gozade do Día das Letras Galegas  máis virtual!

DÍA DAS LETRAS: DE PONDAL A CARVALHO CALERO


Non está a ter moita sorte don Carvalho Calero! Despois de bastantes anos proposto para o Día das Letras Galegas, e tras dunha demora inxusta…, resulta que agora ten sufrir a perda de protagonismo por culpa do bicho infame e infecto!
            
O profesor e filólogo ferrolán estudou en profundidade a literatura galega, ata tal punto que o seu manual -témolo na biblioteca- é aínda hoxe unha obra de referencia: a História da Literatura Galega Contemporánea, publicada en 1963, é unha auténtica biblia para coñecermos as nosas letras.


Un dos grandes atractivos desta obra radica en que non só aborda as cuestións literarias, senón tamén as biográficas, cunha abundancia de información abrumadora. Por poñer un exemplo, o extenso capítulo dedicado a Pondal incorpora multitude de datos biográficos que el aportou por vez primeira, rescatados dos arquivos.

Desde o noso instituto, que leva o nome de Eduardo Pondal, o Bardo de Bergantiños que viu “a lus primeira” en Ponteceso, queremos ademais lembrar canto fixo don Ricardo por dar a coñecer a figura do poeta, xa que estudou a súa vida e a súa obra con amplitude, non só a escrita en galego, senón tamén en castelán.

Parece que se está pensando en alongar o ano Carvalho Calero. É de xustiza!

Feliz día das Letras Galegas.



sábado, 16 de maio de 2020

GENOVÉS OU A HUMANIDADE SEN DISTANCIAS


Morreu Juan Genovés, coñecido ante todo polos seus cadros de denuncia política, pero se cadra non tanto por aqueloutros que non pasarían os estándares de seguridade impostos polo bicho infame e infecto que nos amarga. Que paradoxo, observar estes lenzos hoxe, en tempos de distancias obrigadas por decreto. 


Son preciosos estes lenzos, policromáticos fronte á austeridade das súas obras máis comprometidas; son cadros executados a base de pequenas pinceladas moi empastadas, matéricas, e incluso incorporando algúns obxectos de refugallo, un xesto de complicidade á "arte povera". É un pracer pararse a observar cada figuriña, cada ser humano na súa individualidade: un acto de amor e de humanidade, e tamén puro xogo, pois o lúdico é un elemento fundamental na arte. 


Se algún día pasades por Valladolid, non vos perdades as salas dedicadas ao pintor, no Museo de Arte Contemporánea.




venres, 15 de maio de 2020

A COSMIC SYMPHONY


Welcome to another science pill in English!

If you remember from my last post, I recently embarked on a rediscovery of my past as a science student. My last entry covered several interconnected topics, among them my reading of a great popular maths book.

Today I would like to tell you about the one I just finished, entitled The Elegant Universe, by physicist Brian GreeneLet me just give you a brief overview of the book’s gist.




Most of you will recognize this picture of an old fella with his tongue out. As it turns out, this gentleman revolutionized our understanding of mainly gravity, but also space, time, all in all, the universe.

Around the same time Einstein was publishing his theories, specially focused on enormous things (planets, stars, etc.), particle physics was making groundbreaking discoveries on a much more minute realm.

Looking at things on a tinier and tinier scale led to the realization that, apart from gravity, we also find three other fundamental forces in nature: electromagnetic force plus weak and strong interactions (responsible for radioactive decay and for holding most atoms together, respectively).

I’m sure you’re all familiar with the notion of atoms, that is, the main unit or constituent of matter. Wherever you lay your eyes on, whatever you see, is made of atoms. If we go beyond that, atoms are in turn made of smaller particles and so on until we reach the full inventory that makes up the Standard Model.

This theory, thanks in great part to quantum mechanics, has been able to describe the forces I mentioned before as a whole with a sole template except for gravity. The chasm between the big and the small has fuelled the greatest challenge in modern science: the creation of a theory of everything able to explain all physical aspects of the universe.

Going back to the atoms... Even though the thing is quite complex, for the sake of the argument, we tend to imagine all particles as little balls that are jiggling in space. This little point‑like balls are allegedly the building blocks of everything. But what if I told that our best shot at creating this ultimate theory relies on something completely different? This is the main subject of the book.

The American physicist Brian Greene has been devoting his life to string theory and in The Elegant Universe he provides the lay reader with a great introduction to it. String theory postulates that, instead of the wee points that we usually think of make up most matter in the cosmos, the actual fundamental components of everything are minuscule strings cramped in extra dimensions that vibrate through space, expressing the characteristics of the world that surrounds us.

Just like a string in a violin vibrating at different frequencies provides different sounds, the diverse vibration patterns of these strings manifest the features of the world as in a cosmic symphony. And this, I think, is an extremely beautiful thing to imagine: what we experience is the music of the universe.

I hope this mishmash of extra dimensions, wiggly wires and even possible multiverses has awakened your curiosity. I leave you now with a lecture of the book’s author that will better illustrate this vision.

Godspeed, young readers!





Benvidos a unha nova dose de ciencia en inglés!

Se recordades o último post, embarqueime recentemente nunha redescoberta do meu pasado como estudante de ciencias. A miña publicación anterior trataba de varios temas entrelazados, entre eles a lectura dun gran libro de divulgación matemática.

Hoxe gustaríame falarvos do novo libro que veño de rematar, O universo elegante do físico Brian Greene. Para que vos fagades unha idea a grandes trazos acerca de que trata...

Moitos de vós recoñeceredes ao homiño coa lingua de fóra da foto anterior. Casualmente, este tipo revolucionou a nosa comprensión principalmente da gravidade, pero tamén do espacio, o tempo, en xeral, o universo.

Na mesma época en que Einstein estaba a publicar as súas teorías, sobre todo centradas en corpos xigantescos (estrelas, planetas, etc.), a física de partículas facía incríbeis descubrimentos en dominios microscópicos.

Ollar para as cousas nunha escala máis e máis diminuta levounos a decatarnos de que, ademais da gravidade, atopamos na natureza outras tres forzas fundamentais: a electromagnética e as interaccións débiles e fortes (responsábeis da radioactividade e de manter os átomos pegados, respectivamente).
Seguro que a maioría estades familiarizados co concepto de átomos, ou sexa, a unidade primordial da materia. Calquera cousa ou lugar para o que miredes, está composto de átomos. Se imos máis aló, os átomos á súa vez están compostos por partículas máis pequenas e así ata chegar ao inventario total que reflexa o Modelo Estándar.

Esta teoría, grazas en gran parte á mecánica cuántica, ten sido capaz de describir todas as forzas que describín antes como un todo coa única excepción da gravidade. Esta separación entre a física das cousas pequenas e as enormes ten alimentado o maior desafío da ciencia moderna: a creación dunha teoría do todo que explique todos os fenómenos físicos do universo.

Volvendo aos átomos... A pesar de que a cousa é bastante complexa, por simplificar a cuestión, normalmente adoitamos pensar nas partículas como boliñas que non acougan no espazo. Estas pelotas, puntos diríamos, son presuntamente os ladrillos de todas as cousas. Pero que pasaría se, en realidade, a nosa mellor aposta para crear esta teoría definitiva recae en compoñentes que son completamente diferentes? Este é o tema central do libro.

O físico estadounidense Brian Greene dedicou a súa vida ao desenvolvemento da chamada teoría de cordas e n’O universo elegante proporciona unha introdución ao seu traballo para o lector inexperto.
A teoría de cordas postula que, en lugar deses puntos minúsculos que pensamos que forman a materia dentro do cosmos, os verdadeiros compoñentes máis fundamentais de todo son unhas cordas diminutas apachocadas en dimensións extra que vibran no espazo, expresando a fin de contas as características do mundo que nos rodea.

Do mesmo xeito que as cordas do violín dan distintos sons ao vibrar en distintas frecuencias, os patróns de vibración destas cordas manifestas as propiedades do mundo nunha sorte de sinfonía cósmica. E isto, penso, é unha fermosísima idea: o que experimentamos é a música do universo.

Espero que estas papas de dimensións agochadas, fíos en movemento e ata posíbeis multiversos teña espertado a vosa curiosidade. Déixovos agora cun relatorio do autor que poderá ilustrar mellor esta visión.

Godspeed, young readers!

martes, 12 de maio de 2020

DEBUXANDO DANZA



Ola de novo,

Esta vez e como novidade para os meus seguidores, presento unha peza de animación, mistura entre a beleza da danza e a destreza da técnica dos debuxos en movemento.

O autor, Ryan Woodward é un debuxante de cómics que o que fixo foi dar movemento e poñer música a unha coreografía de dous persoas bailando. É unha proposta suxestiva, atractiva que flúe e interactúa coa música de Piazzolla.

 Animación de Ryan Woodward


Engado o link coa intención de que o apreciedes xa que, quen sabe! Igual nun futuro facedes algo parecido.

https://youtu.be/nW8iN1_BZ88


venres, 8 de maio de 2020

CIENCIAS NAS LETRAS

Estaba a pensar agora no último momento antes de que cambiara a nosa vida. A punto de sair do instituto, un impulso levoume á nosa Biblioteca.
Nesta nova vida, pensaba errada que tería algo máis de tempo e quería enchelo de novas historias para min, usadas xa por outros, nas que atopar outros camiños e pasear por eles.

E paseei, procurando libros de astronomía e ciencia, por estes marabillosos camiños:

Como aspirante a astrónoma, nunca reflexionara sobre a altura a que está o ceo, e sorprendinme ao atopar neste libro unha resposta tan sinxela observándoo cando é día e cando é noite. Unha resposta tras outra vas a ler en "A que altura está o ceo", que resulta unha viaxe no tempo. Comeza na época da Grecia Clásica e chega ata os descubrimentos máis recentes sobre o universo.

Unha longa tarde de sofá compartín con "O contador de estrelas", un ser que finxía ser doutro planeta para abrir o mundo de Antía, unha rapaza que dou o salto sen rede á madureza  e que ve como o amor, a amizade, a aventura e a mentira lle dan a volta á súa visión inocente da realidade.

"Os nenos da varíola", xa ben coñecido polos que o tivéchedes como lectura este curso na materia Lingua Galega, conéctanos con esta carreira que temos agora na procura doutra vacina. Nesta historia real, que comeza no 1803 para vencer a aqueloutra pandemia que era a varíola, atopas heroes anónimos que, como agora, dan a vida en prol da humanidade.

xoves, 7 de maio de 2020

CADERNO DE ARTISTA

Portada do caderno. Foto da Fundación.
Cando viaxamos a Madrid, como amantes consumidores de arte, unha das paradas obrigatorias é visitar o espazo que a Fundación Telefónica ten na rúa Fuencarral. Un espazo totalmente rehabilitado no seu emblemático edificio da Gran Vía que nos recibe cunha serpenteante escaleira acristalada e un montacargas que parece transportarnos a outra dimensión. 

Alí sempre atopamos exposicións que amosan a artistas e culturas dende outro punto de vista. Semella que colleran as obras e as pendurasen do revés, mirando cara a parede, para que nós como espectadores foramos quen de ver todo o que está detrás de cada obra, ou o que é máis importante, porqué ese xenio creador chegou a esa representación.

Fálovos desta Fundación porque hoxe quero facervos partícipes dun agasallo que a modo de publicación teñen pendurado na súa páxina web. Nesta publicación creada e ilustrada polo artista Puño, achégannos a obra de artistas como Eduardo Chillida, Pablo Picasso, Luís Fernández, Helena Almeida, Juan Gris, René Magritte...ata un total de vinte figuras relevantes no panorama artístico nacional e internacional. Teñen en común todos eles e elas que a súa obra está presente na colección de arte da Fundación.

Pois ben, neste libro, ademais de achegarnos a súa obra, ofrécesenos a posibilidade de experimentar coas técnicas e procesos creativos que empregaban para realizar as súas creacións. Tanto no campo da fotografía, como da pintura, do gravado, da escultura...unha inacabábel proposta de actividades que fará que non sexades quen de deixar de crear. 
Déixovos aquí o enlace á páxina onde poderedes descargalo.


mércores, 6 de maio de 2020

"O MAIO" DE CURROS ENRÍQUEZ COLLE UN NOVO RITMO.


Comezamos o mes de maio, un mes reivindicativo coa conmemoración inicial do Dia Internacional da clase traballadora. O confinamento do estado de alarma impediu as mobilizacións na rúa, mais non por isto deixou de ser un 1 de maio especialmente dedicado a manifestarmonos xa sexa nas redes sociais ou nas propias xanelas da nosa casa.

Unha boa mostra disto é a iniciativa do Consello da Cultura Galega que vén de celebrar este Primeiro de maio, cheo de expecionalidade cunha versión musical do poema  " O Maio"de Curros Enríquez que reinvidica unha primavera de liberdade e de xustiza, agora máis necesaria que nunca.

Neste proxecto celebrativo xúntase este poema reividicativo de Curros coas novas voces da música galega: Pablo Lesuit, Faia Díaz, Belem Tajes, Nastasia Zürcher, Leo Burker,, Brais Morán, Yadhira, Xiana Lastra, Su Garrido e High Paw participaron neste proxecto dende o confinamento.



           
O resultado é un vídeo musical que mestura a rumba con influencias da música tropical para dar a benvida ao mes de maio e, de paso,celebrar a vida cun alento solidario.

Desfrutade del e, sobre todo, buscade nas verbas de Curros, un poema do século XIX, unha lectura propia do século XXI. Aí vén o maio! Por un maio novo!



martes, 5 de maio de 2020

LITERATURA E REALIDADE: A PESTE DE ALBERT CAMUS 1

Seica nas últimas semanas un dos libros máis reclamados foi A peste, de Albert Camus (1913-1960), escritor e filósofo francés que foi Premio Nobel de Literatura en 1957.

Algúns parágrafos resúltannos familiares..., lamentablemente familiares, coma este:

La gente había aceptado primero el estar aislada del exterior como hubiera aceptado cualquier molestia temporal que no afectase más que a alguna de sus costumbres. pero de pronto, conscientes de estar en una especie de secuestro, bajo la cobertera del cielo donde ya empezaba a retostarse el verano, sentían confusamente que esta reclusión amenazaba toda su vida y, cuando llegaba la noche, la energía que recobraban con la frescura de la atmósfera les llevaba a veces a cometer actos desesperados. 

Ou estoutro:

Pero los baños de mar habían sido suprimidos y la sociedad de los vivos temía constantemente tener que dejar paso a la sociedad de los muertos. (…) Todas las formalidades se habían simplificado y en general las pompas fúnebres se habían suprimido. Los enfermos morían separados de sus familias y estaban prohibidos los rituales velatorios; los que morían por la tarde pasaban la noche solos y los que morían por la mañana eran enterrados sin perder un momento.




Na biblioteca do centro hai un exemplar. Se te animas á súa lectura, entenderás o porqué desas ratas na portada do libro. 

É unha novela bastante dura, opresiva moitas veces, tanto como esa calor que sofren os habitantes de Orán, a cidade norteafricana que era colonia francesa e sobre a que se abate a epidemia nun ano indeterminado da década de 1940. 

Volveremos a ela na próxima publicación do Club de Lectura...