xoves, 31 de xaneiro de 2019

ASÍ SON AS TENDAS SEN DEPENDENTES

Fai aproximadamente un ano escoitabamos que, o xigante de ventas Amazon, abría ó público na cidade de Seattle, a primeira tenda física sen dependentes. Isto que parecía case ciencia ficción, acaba de chegar a Madrid.Trátase da tenda de mobles tudecora.com, onde se pode mercar dunha forma totalmente autónoma, sen nada máis que unha app no móvil.Alí os clientes escollen a súa compra e saen da tenda sen pasar pola caixa. Cada produto ten un código QR, que ó ser escaneado, abre directamente unha xanela para facer o pago.

                                                 
                                                                                           EL PAIS. KIKE PARA

O sistema garante non ten que facer cola para pagar, reducindo así o tempo que nos levaría mercar en grandes almacéns. Parece que xa hai mais empresas estudando este modelo de negocio. Verémolo pronto en Galiza? 
Déixovos un vídeo de Amazon Go para que vos fagades unha idea máis clara. Aquí a tecnoloxía é realmente avanzada! Todo un sistema de cámaras e sensores é quen de saber o que levas na bolsa da compra! 
Que o disfrutedes!
                                         




mércores, 30 de xaneiro de 2019

A REVOLUCIÓN DIXITAL NAS ARTES ESCÉNICAS

E chegou a revolución dixital ás artes escénicas, un novo xeito de entender os espectáculos en directo dende o sofá da casa. Unha realidade que máis aló de espertar opinións contraditorias facilítanos o acceso a múltiples oportunidades de gozar de variadas propostas, que non estarían doutro xeito ao noso alcance.

Nos últimos tempos van aparecendo plataformas online que ofertan gran variedade de espectáculos que podemos presenciar en directo ou en diferido. A pioneira foi Medici tv, a plataforma líder da música clásica en vídeo por internet que foi creada en 2008, medici.tv ofrece un acceso privilexiado ao mellor da escena internacional da música para os melómanos de todo o mundo.



No ámbito puramente teatral Teatrix é a primeira plataforma arxentina que oferta obras de teatro online. Achegan aos amantes das artes escénicas un catálogo con máis de 100 títulos e diferentes xéneros que fan un percorrido polo teatro arxentino, de Broadway e Brasil. 



Xa en España Play Theatres é unha plataforma online de Vídeo on Demand creada en Barcelona. Está especializada na difusión das artes escénicas (teatro, ópera, danza e música clásica). Ten como obxectivo promocionar e preservar os espectáculos ao vivo e facelos accesibles sen importar as barreiras xeográficas, sociais ou económicas.



En Madrid vén de crearse AllTheater, portal que oferta obras de compañías independentes por 3 euros e que experimenta con formatos inmersivos como os 360º.



Como vedes xa non hai escusa para non "ir ao teatro", dende o sofá da nosa casa podemos viaxar a múltiples teatros do mundo!



martes, 29 de xaneiro de 2019

CECILE MCLORIN

Gañadora do prestixioso concurso internacional de jazz Thelonius Monk no 1010 e do Grammy o mellor álbum vocal de jazz no 2016. Aínda que estudou Dereito, Piano e Música Vocal Clásica e Barroca, desenvolve a súa carreira como cantante de Jazz, moi influenzada por artistas como Sara Vaughan ,Billy Holliday ou Bessie Smith.




I AM MALALA BY MALALA YOUSAFZAI

I was really surprised when I saw the autobiography I am Malala by Malala Yousafzai among the books written in English in the corner of our library. Even though it is not an adapted version, I can't help recommending it, mainly to A-levels students. It is not a book with a high literary quality. However, it is a story of self-improvement told by this Afghan girl who  faced up to the Talibans who were against girls having an education. Instead, Malala refused to stay at home and continued going to school.
As a result of her "rebellion", she was shot right near her brain. After staying at several hospitals in her country, she was taken to Birmingham, England, where she got better. Malala stayed there with her family. 
One day when Malala was at school, the headmaster told her that she had won the Nobel Prize. She was even invited to talk to the UN. Malala is still on news channels and gives speeches and interviews.
Malala is such a strong and inspiring person, a world changer!
 I was so hooked that I finished the book  in two days!  
 The lesson that I found in this book: if you really want to do something, you can – even with hurdles along your way.

 Down below you can watch her Nobel Peace Prize acceptance speech.




Moi grata sorpresa levei cando vin que no noso recuncho de libros escritos en inglés se atopaba o libro autobiográfico  I Am Malala de Malala Yousafzai. Aínda que é un original, non una adaptación, non podo evitar recomentalo, especialmente para o alumnado de bacharelato.
Non se trata dun libro que destaque pola sua calidade literaria, senon pola historia de superación que conta esta rapaza de Afganistán que se enfrentouse aos Talibáns que se opoñían a que as rapazas recibiran unha educación. Malala negouse a quedar na casa e continuou indo a escola. O resultado da súa "rebeldía" foi recibir varios tiros cerca do cerebro. Despois de pasar por varios hospitais no seu país foi levada a Birmingham, Inglaterra onde se recuperou. Malala quedouse a vivir alí coa súa familia. Un día estando na escola a directora comunicoulle que recibira o premio Nobel da Paz. Malala incluso foi invitada a falar nas Nacións Unidas. Aínda aparece na televisión e da conferencias e  entrevistas.
Malala é unha persona forte e inspiradora, unha persona que cambia o mundo!
O libro enganchoume tanto que o rematei en dous días. 

A lección que atopei no libro: Se realmente queres facer algo, podes, aínda que te atopes con atrancos no camiño.
Aquí podes ver o momento no que acepta o Nobel.





venres, 25 de xaneiro de 2019

A LITERATURA QUE AÍ VÉN

LECTORES! Achégovos un artigo de Daniel Salgado no que nos comenta, dun xeito ben detallado, cales van ser as novidades editoriais en galego, para este 2019.
Segundo este autor, hai pezas de relevo como son: a biografía de Castelao escrita por Miguel Anxo Seixas, o regreso do inspector Caldas de Domingo Villar, un repaso a vinte anos de poesía de María do Cebreiro, novos títulos da supervendas Ledicia Costas.
Queres enterarte? Pois, se che gusta a lectura, aquí che deixo  o artigo, extenso, pero interesante.

Narrativa:

Xerais renovará a mediados de ano a liña gráfica da súa colección de narrativa. Nela dará a benvida ás novidades de dúas das escritoras de maior éxito comercial: Ledicia Costas e Pedro Feijoo. A piques de chegar ás libarías atópase o debut no xénero do poeta Xabier Cordal, neste caso en forma de Relatos para a televisión.

O último barco será o peche da triloxía que Domingo Villar dedicou ao inspector Leo Caldas, dez anos despois de A praia dos afogados. Publica Galaxia, que tamén apostará por novos narradores: Diego Xiráldez Hotel para coleccionistas discretosBerta Dávila, Arantza Portabales, Lois Alcayde ou Isaac Xubín Os largos e longos campos de liño azul.

Na mesma casa reaparecerá un veterano, Miguel Anxo Murado, estilizado autor de contos, con Tres minutos no aire. Outro clásico en marcha das letras galegas, Bieito Iglesias, conta con novidade recente, Guías caninos (Aira), incursión na novela negra oito anos despois do seu anterior título, Contos da terra da tarde. De Emma Pedreira publicará Urco Animais con frío, narracións breves. E co mesmo selo sairá Sopas New Campbell, coa que Teresa Moure foi finalista do premio Antón Risco de narrativa fantástica.  

Poesía:

Algunhas das máis activas novas editoras funcionan no territorio da poesía. Apiario, caracterizada por singulares e coidadas edicións, vén de pechar o ano con tres propostas: a plaquette de Susana Sánchez Arins Carne da minha carneCelso Fernández Sanmartín A cama do meu avó Manuel Sanmartín Méndez e Lucía Aldao, a quen corresponde un dos libros de poemas de máis repercusión da tempada, Todo isto antes era noite. A praxe editorial de Apiario indica que non presentarán materiais inéditos antes do último trimestre do ano.

Outra das editoriais especializadas no xénero, Chan da Pólvora, opta por un programa máis intensivo. resistencia da auga -o volume de Xabier Cordal que sucede ao seu aclamado transmuta (Xerais, 2012)-, o debut en galego de Miriam Reyes Sardiña ou a antoloxía de poetas inéditos en libro individual Dentes para a mazá conformaron as súas aposta do tramo final de 2018. En 2019 publicará unha antoloxía de Rosalía de Castro ou o segundo libro de poemas dunha das voces fundamentais da literatura galega recente, Samuel Solleiro O mundo dos vivos.

As editoriais xeralistas tamén manteñen activas liñas de poesía. Galaxia anuncia A herba de namorar, unha escolma de máis de dúas décadas de produción de María do Cebreiro, e Non deixes que a tardiña me sorprenda, o rescate antologado de Fiz Vergara Vilariño. A Poesía reunida de Xela Arias, acabada de aparecer, protagoniza os lanzamentos de Xerais, quen reeditará Con pólvora e magnolias -o clásico de Méndez Ferrín- na súa histórica e renovada colección Biblioteca das Letras Galegas.

Tambo, o selo poético de Kalandraka, ofrecerá Feliz Idade, da cadora máis valorada poeta Olga Novo. E Axóuxere coeditará coa catalá Edicións Tremendes Un inesperado río de choiva / Un inesperat riu de pluja, de Amauta Castro.

Ensaio:

A Biblioteca de Pedagoxía desta última editorial acolle Educar a través da arte, de Salvador Cidrás e Vicente Branco. O ensaio é un dos campos preferentes de Laiovento, que programa entre as súas novidades inminentes a segunda parte da análise da figura de Xesús de Nazaret realizada por Xulio López ValcárcelA invención dun deus. E o colectivo, coordinado polo profesor Xosé Manuel Sánchez ReiEstudos actuais de lingüística galego-portuguesa.

Este xénero atópase igualmente entre as preferencias editoriais de Axóuxere. Impulsos creativos. Canles alternativas de creación contemporánea recollerá experiencias culturais "que se moven nas marxes ou en espazos independentes". Lucía Romaní e Aránzazu Indaverea son as editoras do volume. O tratado animalista Na defensa dos animais, do profesor Óscar Horta, e Vir a menos. Crítica da razón nihilista, que Brais Arribas elabora a partir do pensamento do italiano Gianni Vattimo, son os outros materiais ensaísticos anunciados pola editorial de Rianxo. 

Camilo Nogueira, veterano político nacionalista, retoma os seus traballos ensaísticos en Unha nación no mundo. A razón resistente (1480-2010), da man de Xerais. Esta editora tamén publica Rosalía feminista, de Helena González Fernández. Galaxia, pola súa banda, dará saída a un volume de investigacións sociolingüísticas do académico Henrique Monteagudo, o último premio Ramón Piñeiro -Os amorodos de Bergman, de Fernando Redondo- e Ler en violeta, de Montse Pena.

Mais a estrela de Galaxia será o primeiro dos tomos da biografía de Castelao, redactada por Miguel Anxo Seixas a partir da súa tese de doutoramento.

Teatro:

É talvez o xénero pobre do mundo editorial galego. Polo menos así o indica o reducido espazo que lle reserva. Apenas Xerais, coa publicación dos premios Manuel María (Somos os monstros, de Paula Carballeira) e Álvaro Cunqueiro (Ás oito da tarde cando morren ás nais, de Avelina Pérez), e Kalandraka na súa Biblioteca de Teatro, con Citizen do Grupo Chévere, sitúano no programa de novidades.  

Infantil e xuvenil:

Os albums ilustrados son o corazón da proposta editorial de Kalandraka. Entre eles figurará este 2019 Versos e viceversos, de Antonio García Teijeiro -Premio Nacional do Ministerio de Cultura por Poemar o mar- con ilustracións de Juan Carlos Martín, e Viaxeiros, de Xulio Gutiérrez, encadrado na colección Ciencia para rapazas.

A nómina de autoras de literatura infantil e xuvenil de Xerais ocupará a primeira liña neste ano: haberá obra nova de Fina Casalderrey, Rosa Aneiros, Marisa Solar ou Teresa González Costa. Co selo Galaxia aparecerá o álbum infantil Fina, a pirata, de Helena Villar Janeiro, o libro infantil Soleando de An Alfaya ou o libro-disco da Gamola Gominola.

Os dous libros finalistas do primeiro premio María Victoria Moreno de literatura infantil estarán na rúa da man de Urco: o volume de poemas Irmá Paxaro, de Tamara Andrés, e mais a novela Be Water, de Antía Yáñez.

xoves, 24 de xaneiro de 2019

75 AÑOS DEL PREMIO NADAL



Hace 75 años, Carmen Laforet inauguraba con su novela Nada el palmarés del que en la actualidad es el galardón literario más antiguo de nuestro país. Un Premio Nadal que, una vez más, se ha fallado en el Día de Reyes tras la tradicional cena organizada por la Editorial Destino en el Hotel Palace de Barcelona, que este año ha dejado una sorpresa poco habitual. En las siete décadas y media de antigüedad del galardón, éste sólo había sido concedido a cuatro escritores latinoamericanos. El quinto es el ganador de esta 75ª edición, el escritor argentino Guillermo Martínez (Bahía Blanca, 1962) que ha resultado vencedor por su novela Los crímenes de Alicia, una historia de corte policíaco ambientada en Oxford que investiga varios asesinatos relacionados con el universo creado por el célebre escritor y matemático inglés Lewis Carroll. Martínez se embolsará 18.000 euros y contará con el privilegio de engrosar una lista de premiados entre los que se encuentran autores de la talla de la propia Laforet, Miguel Delibes, Carmen Martín Gaite, Rafael Sánchez Ferlosio o Ana María Matute.







Presentada originalmente bajo el título Los papeles de Guildford y firmada con el seudónimo de G., la novela galardonada nos transporta de nuevo al Oxford del profesor de Lógica Arthur Seldom, protagonista de la exitosa novela de Martínez Los crímenes de Oxford, por la que obtuvo el Premio Planeta Argentina 2003 y que fue llevada al cine con título homónimo en 2008 por Álex de la Iglesia con un reparto encabezado por los actores John Hurt, Elijah Wood y Leonor Watling. En esta ocasión, la ciudad oxoniense está sufriendo una ola de crímenes centrados en el seno de la Hermandad Lewis Carroll, a la que pertenece el profesor Seldom, que deberá sumergirse, con ayuda de su fiel alumno argentino Guillermo, en los símbolos presentes en el universo de Alicia creado por el escritor y matemático inglés en las dos novelas Alicia en el País de las Maravillas y A través del espejo y lo que Alicia encontró allí, para detener al responsable.

Desde nuestro blog os animamos a emprender una aventura detectivesca como si fuerais Sherlock Holmes o el ya famoso Arthur Seldom, protagonista de esta historia.

mércores, 23 de xaneiro de 2019

REUTILIZACIÓNS ARQUITECTÓNICAS

Artelladores,

Hoxe toca falar de patrimonio arquitectónico.

Ben é sabido que unha das vivendas máis destacadas nas parroquias galegas era a reitoral. Pola falta de vocacións -é dicir: de curas-, hai xa anos que estes edificios están abocados a unha irremediable ruína. Ruína era xa, de feito, a reitoral de San Estevo de Cesullas, en Cabana de Bergantiños. Data do século XIX, como consta nunha inscrición que vos invito a buscar. Non é difícil atopala.

Como se fixo na do Couto, hoxe dedicada a Fundación Eduardo Pondal, a de Cesullas vai destinarse a espazo cultural relacionado coa figura de Saturnino Cuíñas Lois, crego que foi da parroquia, folclorista, inventor do "berro seco" na romaría de San Fins do Castro.

A Igrexa cedeu ao concello o uso do edificio durante uns 25 anos, máis ou menos. Os cartos da rehabilitación saen do erario público (como pasou no Couto). Esta é outra reflexión interesante.

En fin. Así están as obras. Por certo... este balcón que mira ao val non é orixinal da construción. Supoñemos que está permitido por Patrimonio.

Saúdos.  


martes, 22 de xaneiro de 2019

ARMANDO MARTÉN





Maca e Armando enlace ao vídeo.

Ola, preséntovos ao mellor profesor de danza de Galicia. É cubano e chámase Armando, ten unha compañía e é profesor do Conservatorio da Coruña. Engádovos un vídeo onde baila co seu compañeiro, Maca. Espero que vos guste e gocedes da impecable técnica que ten, chea de acrobacias e elegancia no movemento.

luns, 21 de xaneiro de 2019

SOÑACHES COA LÚA?

Un fío de misterio científico invadiu hoxe os nosos soños. A Lúa de sangue tinguiunos de beleza,  nun ciclo que comeza e non se pechará ata o próximo eclipse destas características o 26 de maio do 2021.

A Lúa de sangue é un eclipse lunar total, que se produce cando o Sol, a Terra e a Lúa alinéanse, e a Terra, como mediadora dos astros que nos alumean, ensombrece totalmente a Lúa chea, reflectíndoa de un ton vermello pola refracción da luz solar nas partículas de pó presentes na atmosfera.

O extraordinario deste acontecemento é ademais que, o noso satélite, no seu percorrer pola órbita na que aperta á Terra, achégase ao noso carón todo o que pode, e sitúase a 360.000 km de distancia, fenómeno que se coñece como superlúa.

venres, 18 de xaneiro de 2019

COR NO CORPO


A arte pódese xerar desde moitos puntos de vista, con diversas técnicas, sobre distintos soportes, o corpo como material, o corpo como color en movemento.
A arte corporal é un recurso creativo máis, é pintar sobre un soporte novo como é o corpo. 
En moitos casos queda a modo de tatuaxe e cunha pintura especial para a pel pódense facer debuxos moi interesantes. 
A arte corporal (ou en inglés, body art) é un estilo enmarcado na arte conceptual, de grande importancia. 
Xorde nos anos 60 en Europa e, en especial, en África.
Trabállase co corpo como material plástico, píntase, tatúase, cálcase, ensúciase, cóbrese. 
É como transformar; o corpo é o lenzo ou o soporte do traballo artístico.


xoves, 17 de xaneiro de 2019

POR UNHA LINGUAXE MÁIS IGUALITARIA: EXERIA.



Na procura dunha linguaxe máis igualitaria existen moitas guías que nos poden axudar a facer un emprego máis axeitado da nosa lingua, pero ademais atopamos unha aplicación chamada Exeria que detecta os erros lingüísticos de carácter sexista.


Exeria permítenos analizar textos, localizar termos susceptíbeis de seren sexistas e ofrécenos alternativas e suxestións para mellorar estes usos.

Unha das principais características de Exeria é a de partir dunha tecnoloxía aberta tanto no aspecto informático como lingüístico o que achega un valor engadido. Outra das súas vantaxes é que permite a súa integración con diferentes aplicacións dirixido inicialmente á súa integración con OpenOffice.org.

Animádevos a empregala na procura dunha linguaxe non sexista!

Neste senso propoñémosvos a realización do seguinte Pasagalego sobre o feminismo creado no IES Pontepedriña para poñer a proba o voso coñecemento sobre o léxico feminista.


                                                                














mércores, 16 de xaneiro de 2019

ACTIVIDADES DOS CLUBS DE LECTURA



Antes das vacacións de Nadal, os alumnos de 3º ESO, do club de lectura da profesora Eva Tizón, puideron "completar" a lectura do film Wonder, baseado na obra traballada, La lección de August. Sempre é moi enriquecedor vincular literatura e cine!

       
Tamén houbo unha xuntanza-chocolatada, hai uns días, cos clubs de lectura de 1º e 2º ESO. Os alumnos foron agasallados cun libriño que servirá como segunda lectura: Catro contos para unha data. Tamén se lles informou sobre o blog da nosa Biblioteca, artellandonabiblio, e se lles animou a participar nel, especialmente nas publicacións relativas a esta sección do Club de Lectura.

Saúdos a todos... Sigamos lendo.

martes, 15 de xaneiro de 2019

E ASÍ DE FERMOSA LUCIU A NOSA ÁRBORE


Na Biblioteca do IES Eduardo Pondal de Ponteceso pechamos o primeiro trimestre do presente curso coa actividade "Decora a túa árbore".
O 21 de decembro tivo lugar a entrega de premios ao alumnado gañador desta convocatoria que tivo moito éxito. Foron numerosos os adornos presentados e cun alto nivel de elaboración, creatividade e orixinalidade. Todos eles serviron para decorar a árbore de Nadal do centro que iluminaba a entrada do instituto.



luns, 14 de xaneiro de 2019

AS TECNOLOXÍAS QUE CHEGARÁN NO 2019


Coa chegada do mes de xaneiro, adoitamos facer listaxes de propósitos que melloren as nosas vidas así como de bos desexos para a humanidade. As tecnoloxías que están por vir  poden ser a chave para un xiro positivo na nosa forma de vida. É por iso, que é interesante coñecer as novidades dende xa. 

A intelixencia artificial
Os avances en intelixencia artificial chegan grazas ao machine learning (aprendizaxe automática) que é a capacidade que teñen as máquinas de aprender por si soas, baseándose no recoñecemento de padróns, sen que ninguén as programara previamente. Os beneficios desta tecnoloxía afectarán principalmente á industria dos vehículos autónomos e aos robots.

A cidade sensible.
Chega un novo concepto de cidade, chea de sensores que monitorizarán a calidade do aire, os niveis de ruído e a actividade das persoas. Os robots terán un papel fundamental no transporte, percorrendo o subsolo para entregar paquetes por exemplo.

Wearables médicos.
Xa están aquí distintos tipos de sensores para recoller datos do noso corpo, tales como reloxos, brazaletes, etc. Pero a novidade ven sendo as función das que estarán dotados, como avisos dun ritmo cardiaco irregular e o contacto directo co médico.

A computación cuántica
Trátase dunha forma de computación na que se utilizan os estados do átomo en troques de datos binarios. O que ata agora, podía ser un "0" ou un "1", pasa á posibilidade de acharse nos dous valores á vez. O sistema cuántico usa cubits (bits cuánticos). Isto permitirá resolver problemas de alta complexidade en tempo récord. As grandes compañías tecnolóxicas están xa a competir para conseguir o procesador máis veloz.

A privacidade na intenet.
Os informáticos están xa na fase de perfeccionamento de ferramentas criptográficas que fagan posible ser completamente anónimo na rede. Por exemplo, poder demostrar que un é maior de idade sen necesidade de mostrar a súa data de nacemento.


Para rematar, déixovos este vídeo da maior feira tecnolóxica do mundo o CES en Las Vegas.





venres, 11 de xaneiro de 2019

FIOT, FESTIVAL INTERNACIONAL OUTONO DE TEATRO

Hoxe gustaríame falarvos do FIOT, un festival de teatro que se celebra en Carballo e que no pasado mes de outubro alcanzou a súa 27 edición. O FIOT está de noraboa, xa que hoxe, venres 11 de xaneiro, recibirá o Premio da Cultura Galega que lle foi outorgado pola Xunta de Galicia como recoñecemento ao seu labor en prol das Artes Escénicas.

O fallo do xurado coñeceuse o pasado 24 de setembro na Cidade da Cultura de Santiago. Estes galardóns teñen como obxectivo apoiar a excelencia creativa, a capacidade de intercambio, a experimentación e a proxección da construción cultural de Galicia nos ámbitos das letras, das artes plásticas, das artes escénicas, da música, do audiovisual, da lingua, do patrimonio cultural e da proxección exterior, que son as oito modalidades que contemplan os galardóns.

Unha vez coñecido o fallo do xurado o presidente da asociación cultural Telón e Aparte (asociación promotora do festival), Alberto Sueiro Pastoriza, declarou que o galardón “é unha honra e unha satisfacción”. Sueiro declarou que “o FIOT leva case 30 anos traballando para achegar o teatro á xente desde un pobo e este premio confirma que se poden facer grandes cousas desde os pobos, non fai falta ser unha capital ou unha gran cidade para facer cousas de interese xeral”.

"No FIOT lembrámonos de todos os que durante estes anos axudaron e colaboraron con Telón e Aparte. Este premio anímanos a seguir traballando para que Carballo siga sendo o corazón das artes escénicas de Galicia”, concluíu Alberto Sueiro.

Así que xa sabedes, este ano a estar atentos á chegada do outono, que con el chegará o FIOT e o tempo de gozar do teatro en todas as súas variedades.

xoves, 10 de xaneiro de 2019

JANELLE MONÁE

Cantante, produtora e actriz, a norteamericana Janelle Monáe fixo o disco do ano para a NPR, cadea de radio estadounidense que produce e distribúe contidos culturais. "Dirty Computer" inclúe temas pop , ás veces con toques psicodélicos ou funkies.


Como actriz verémola na película biográfica sobre a periodista e activista Gloria Steinem , icona feminista dos 60 e 70.

Como cantante aparece no cartel do Primavera Sound deste ano  xunto con artistas como Rosalía ou Solange.




"Tightrope", do seu anterior album The ArchAndroid .





mércores, 9 de xaneiro de 2019

THE STRANGE CASE OF DR JEKYLL ANS MR HYDE


Que vos parece como propósito de ano novo unha visita a sección de literatura inglesa da nosa biblioteca? Clásicos adaptados  agárdanvos para que poidades vivir novas aventuras ao mesmo tempo que mellorades o voso inglés.
Desta vez propóñémosvos o clásico de Robert Louis Stevenson, O extraño caso do Dr. Jekyll e Mr. Hyde (1886).


Stevenson foi un escritor escocés de libros de aventuras tan coñecidos como A illa do tesouro, Frecha negra ou Secuestrados. Estas novelas foron traducidas a ducias de linguas e adaptadas ao teatro, cine e televisión en numerosas ocasións.
Na novela O extraño caso do Dr. Jekyll e Mr. Hyde, o Dr Jekyll, brillante científico, descubre un fármaco capaz de transformalo no malvado Mr Hyde, a encarnación dos seus impulsos diabólicos. Os problemas aparecen cando empeza a escasearlle a poción e con ela a posibilidade  de volver a ser
Dr jekyll. Que lado de Jekyll triunfará? ¿o bo ou o malo?


How about paying a visit to the section of English literature in our library as a New Year's resolution?
Adapted classics are waiting for you so that you can live new adventures and improve your English at the same time.
This time we recommend you the title The Strange Case of Dr Jekyll and Mr Hyde by Robert Louis Stevenson.
Stevenson was an Scottish writer of such well-known adventure books  as The Treasure Island, Black Arrow or Kidnapped. These novels were translated into dozens of languages and adapted to the theatre, the cinema or television several times.
In the novel The Strange Case of Dr Jekyll and Mr Hyde, Dr Jekyll, a brilliant scientist, discovers a potion which can turn him into the evil Mr Hyde, the embodiment of his devilish impulses. Problems appear when the potion began to run out and with it the possibility of changing back from Hyde into Jekyll. Which side will prevail?  The good side or the bad one?

martes, 8 de xaneiro de 2019

UNHA PARA ESCOITAR E OUTRA PARA LER

Unha para escoitar ...
Coñeces a Ataque Escampe? Pois este grupo abre o dobre disco Ídolos adolescentes / A vida dos animais, que desde o día 31 do mes pasado se pode escoitar na Rede. 
Con el renden tributo á súa audiencia máis nova e descoñecedora dalgunhas destas pezas. Só se encontra dispoñíbel en formato dixital e neste documento, da cara oculta da banda, percíbese a súa profunda evolución, practicamente a súa metamorfose. Sen abandonar nunca o folk, agora incorpora cumbia, dub, rumba, rap ou kraut. O territorio ampliouse. Por outra banda, Ídolos adolescentes...tamén permite entender o laborioso traballo de arranxos ao que Ataque Escampe somete as súas cancións. Se che apetece achegarte a este grupo e de paso ás nosas músicas, podes pinchar nos seguintes enlaces:

e outra para ler
Hai alguén que a estas alturas siga crendo que a literatura galega non sae das nosas fronteiras?
Pois para demostrar unha vez máis, que en galego non hai límites ...
Ledicia Costas, unha das autoras de maior proxección da literatura galega, vén de publicar en búlgaro o seu libro de 2016, Jules Verne e a vida secreta das mulleres planta (Xerais).

A tradución de 'Jules Verne e a vida secreta das mulleres planta', de Ledicia Costas, ao búlgaro. Foto: cedida. 
Sinopse:
O 21 de maio de 1884 Jules Verne chegou a Vigo a bordo do seu impoñente iate. O afamado novelista levaba moito tempo atrás da pista das misteriosas mulleres planta. Lograría por fin, logo de tantos anos de busca, atopalas naquela baía? Na botica do vello Philipot custódiase un importante segredo: alí, aparentando normalidade, viven a avoa Melisa e Violeta, dúas mulleres rodeadas dun halo de misterio. A chegada de Jules Verne á botica revolucionará as vidas desta singular familia. O tempo esgótase: a avoa Melisa está enferma e necesitan atopar unha cura. Mais hai ocasións en que non se pode loitar contra a forza da natureza. Jules Verne e a vida secreta das mulleres planta é unha homenaxe ás novelas de aventuras, unha viaxe no tempo cargada de maxia onde todo é posible.