CRÓNICAS DUN LECTOR APESTADO 1
![Imaxe](https://blogger.googleusercontent.com/img/b/R29vZ2xl/AVvXsEi-nnvL3IRvfMEQKgHexJ-ivm1eaSeLF5u6twwIpa_ALx8ZvisCXcjq_mzVdypjYt3cr37P7dHdg-l0CL5kWL62HOHyNoUswuw-2fJdR8BlYcSXcemHRcSFLL2-ze1Ra-JycxDh5z3fPIo/s320/H%25C3%25A9rcules+coronavirus.jpg)
Aínda que nos pareza unha antigüidade inservible, a mitoloxía grecorromana segue funcionando como fonte de inspiración nestes tempos posmodernos. Con razón dicimos que a mitoloxía é clásica, porque clásico é o que non ten data de caducidade, o que non morre. Velaquí, no mesmo día e en páxinas contiguas, cal foi a inspiración dos ilustradores de La Voz de Galicia. Os dous botaron man da mitoloxía e os seus eternos contidos. Atlas soportando ese bicho infeccioso e infecto que xa forma parte dos nosos odios, e o mesmo bicho raptando, é dicir, levando por diante á princesa Europa . A verdade é que si: Europa volve facer un ridículo espantoso, para goce dos euroescépticos, considerando que hai países de primeira (os do norte) e de segunda (os do sur). Se estades un pouco ao tanto da actualidade, saberedes de que falo. Recorda que a mitoloxía constitúe sempre unha interesante e amena opción para a lectura. Na biblioteca do centro hai moitos e bos materia