ARTELLANDO na Biblio

  O equipo de biblioteca quere agradecer a toda a comunidade educativa a súa participación nas actividades organizadas durante este curso escolar. Agora chegan as vacacións, ben merecidas, así que esperamos que gocedes do verán e continuedes a ler mooooitos libros!!!

 Rematamos a semana de celebración das Letras Galegas coa realización de dúas sesións de obradoiros sobre Luísa Villalta a cargo da polifácetica escritora Estíbaliz Espinosa Río.  A  AELG ofreceunos a posibilidade de achegarnos a figura de Luísa Villalta a través do obradoiro literario "A música dos astros", unha perspectiva da obra lírica de Villalta dende a súa ollada aos elementos naturais: árbores, estrelas, aves, nubes, sol...atravesada pola música dos seus versos e o seu afecto e empatía polo marxinal e desconsiderado.  O alumnado de 2º e 3º de ESO tivo a oportunidade de crear caligramas, idear con percusión un ritmo para una estrofa de Luísa Villalta e coñecer da man xenerosa de Estíbaliz a autora homenaxeada este ano nas Letras Galegas. Moitas grazas, Estíbaliz!

Este ano, para conmemorar o Día das Letras Galegas dedicado a Luísa Villalta, realizamos unha homenaxe á escritora Rosalía Fernández Rial. Continuando coa tradición de cada ano de bautizar unha árbore do noso xardín co nome dunha figura literaria representativa da Costa da Morte, hoxe dedicamos un "carballo" a Rosalía Fernández Rial. Pensamos que nada mellor que un "quercus robur" para simbolizar o que representa para nós a docente, a poetisa, e a divulgadora cultural Rosalía Fernández Rial. Os seus versos érguense recios e vigorosos como un carballo galego. Rosalía como o carballo é un símbolo de fortaleza cultural e literaria galega. E por todo iso, pensamos que a elección desta árbore simboliza a grandeza e influencia de Rosalía Fernández Rial para o noso centro educativo. O alumnado de oratoria tamén participou nesta homenaxe lendo versos da autora.   Por último, as melodías dos músicos encheron todo o patio de alegría e ganas de botar un baile, así que a rapaza

 Este luns, na nosa biblioteca tivemos a sorte de poder contar coa escritora Sica Romero, que veu realizar un faladoiro co alumnado do club de lectura de 1º de Bacharelato, o alumnado de Literatura Universal, e máis os participantes do club de lectura de adultos que temos no instituto. A partir dun círculo, Sica Romero falou da súa traxectoria e concretamente da novela que estivemos a ler Avelaíñas eléctricas , sobre a que o alumnado principalmente, animouse a facerlle múltiples preguntas. Agradecemos a Sica Romero a súa colaboración!!!

Durante esta semana imos celebrar faladoiros, obradoiros, exposicións, homenaxes e ata unha foliada!!! O IES Eduardo Pondal está preparado para celebrar as Letras Galegas de 2024, que este ano salientan a figura de Luísa Villalta. Comezaremos o luns cun faladoiro con Sica Romero, nova escritora da Costa da Morte que nos vai falar sobre a súa primeira novela Avelaíñas eléctricas . O mércores, día 15, contaremos coa escritora Rosalía Fernández Rial, á que homenaxearemos este ano dedicáncolle unha árbore do noso patio. Como ela é de Carballo, que mellor árbore que un carballo que simboliza a súa orixe!!  Despois do acto de homenaxe, coa lectura de poemas por parte do alumnado de oratoria, haberá unha foliada, na que todos participaremos da música tradicional e gozaremos cos bailes dos rapaces e rapazas. O xoves, día 16, contaremos coa presenza de Estíbaliz Espinosa que nos ofrecerá dous talleres, un para o alumnado de 2º ESO e outros para o de 3º ESO.

 Mañá, último venres de mes, volvemos contar coas dotes artísticas das nosas alumnas, Rita Rogina Vila e Lara Bazar Verdes, deleitárannos coas súas voces, interpretando os seguintes temas: - No puedo vivir sin ti, de Aitana. - Cuando zarpa el amor, de Camela. - Inmortal, da Oreja de Vanghot.

A próxima semana imos celebrar a festa dos libros, eses "obxectos" fundamentais da nosa biblioteca e das nosas vidas que nos abren os ollos a novos mundos!!!! O equipo da Biblio e máis Dinamización propoñemos a actividade dun  Bookface para que todos e todas nos poidamos identificar cun libro. Estas son as bases da nosa proposta: - Na hora de titoría o alumnado escollerá a portada dun libro (poderá usar o libro que queira ou visitar a biblioteca e coller un dos moitos que temos); despois buscará un escenario ou situación e completará a portada modificada. Por último, tirará unha foto‼  - Xa feito o “bookface” o alumnado enviará a foto ao correo da biblioteca: biblioaponte@gmail.com. A data límite de envío será o martes 30 de abril.

  O luns 15 de abril, o alumnado que participa nos clubs de lectura e no programa de voluntariado da biblioteca realizou un roteiro literario e cultural pola cidade da Coruña. A visita guiada pola Torre de Hércules permitiunos coñecer a súa historia e observar as impresionantes vistas dende o máis alto do monumento. Dende alí localizamos espazos literarios que aparecen nas novelas lidas no club como  Afogada  de Rocío Leira ou  Azucre  de Bibiana Candia. Continuamos o roteiro cunha visita guiada polo Museo Militar    da cidade, que nos permitiu coñecer moitas curiosidades da nosa historia.  

 Un novo ano imos celebrar a nosa tradicional Semana cultural, chea de actividades, obradoiros, concursos, faladoiros e iniciativas novidosas que poñerán en práctica todo o alumnado do centro. A Biblioteca e o Equipo de dinamización tamén colaboran con esta Semana cultural organizando obradoiros de diversas temáticas:  Obradoiro de origami. Obradoiro de lettering. Obradoiro sobre mitoloxía e ciencia ficción. OBRADOIROS DE ORIGAMI E LETTERING Dende a Biblioteca organizouse unha sesión para o alumnado de 2º da ESO na que traballaron a caligrafía e a motricidade fina. Trátase dos obradoiros de Lettering impartido por Saray Souto de 2º ESO e de Origami , artellado por Salvador Andrade de 4º da ESO. O alumnado xa pode presentar traballos ben vistosos grazas á maxia de Saray cos rotuladores, ou mesmo mellorar calquera estancia coas belas figuras que Salvador lles propuxo.                         MITO E CIENCIA FICCIÓN Dende a Biblioteca e o club de lectura propuxemos ao alumnado de 2º ESO a

 Este venres 22 de marzo celebramos na biblioteca un novo...  VENRES MUSICAL!!!!

   Hoxe vernes 8 de marzo, a Biblioteca e o Equipo de Dinamización presentan un ano máis a exposición fotográfica de diversas mulleres que aportaron o seu labor á nosa sociedade. Animámosvos a pasar polo corredor principal do instituto e aprender algo máis sobre todas elas.

       Este venres, durante o recreo celebramos na biblioteca unha homenaxe á nosa escritora Rosalía de Castro. O programa da actividade foi o seguinte: Presentación do acto a cargo do alumnado de Ponte na onda. Radio. De seguido, Uxía Blanco de 2º ESO A interpretou as pezas musicais Rosalía pequeniña e No bico un cantar . Posteriormente, o alumnado de Oratoria de 3º ESO leu os seguintes poemas da autora: "Hei cantar", "O Xan" e "Eu cantar cantei". Para  finalizar, Lucía Sande de 4º ESO interpretou a capela o poema "Negra sombra".

     Entre xaneiro e febreiro, na mesma semana, este ano puidemos celebrar o Día da Paz e máis o Día da Candeloria!! O alumnado de 1º e 2º ESO, estivo moi creativo para redactar unhas pombas amigables que dedicaron aos seus compañeiros e compañeiras de aula. Aquí tedes o mural que amosa o ben que lles quedou!!💖💖💕💕 Ademais, o equipo de Dinamización tamén traballou moito para festexar este día, realizando outro mural para conmemorar o Día da Paz e da Ilustración que coinciden na súa celebración o día 30 de xaneiro.  Con esta exposición recordamos  os  conflitos que seguen a estar latentes no mundo actual e vinculamos cada un deles a figuras destacadas da ilustración neses lugares. Achégate a velo!

  Xa rematando o mes de xaneiro este ano coinciden na mesma semana a celebración de dúas festividades: o Día da Paz e o Día da Candeloria !!!💕💖 Por este motivo, a Biblioteca e máis o equipo de Dinamización xunto con todo o alumnado de 1º e 2º de ESO imos realizar un pacífico e amoroso mural que desenvolveremos da seguinte maneira: