ARCADAS E VOMITORIOS: UNHA CURIOSA CONFUSIÓN

Ola Artelladores de Arte!

Unha das anécdotas máis substanciosas que me proporcionaron os exames foi a daquel alumno de latín que, explicando a estrutura do anfiteatro Flavio de Roma (popularmente coñecido como Coliseo), escribiu que os vomitoria ou vomitorios (plural do latín vomitorium) eran as portas por onde saían os romanos para vomitar despois de ver a violencia en directo... Recordemos que no Coliseo morría xente de verdade, ás veces indefensos cristiáns botados ás feras (damnatos ad feras, dise en latín)... Aquilo si era un reality show, e non o lixo de certos canais de TV...

Pois non. Vai ser que non. Os vomitorios si teñen que ver con vomitar, pero co sentido metafórico ou figurado de vomitar xente, pois cando miles de personas (ata 50.000, calcúlase) saían ou entraban polas portas de acceso ás gradas producían a imaxe de portas vomitando xente... Así de doado.

Ou sexa: nin vómitos pestilentes, nin desagradables arcadas, pois estas, que tamén as hai, son as que configuran parte da estrutura do Coliseo, cos seus arcos de medio punto.

E moito ollo! Nalgúns grandes espazos de ocio -campos de fútbol por exemplo- aínda se emprega o termo vomitorio...

Para que logo digan que o latín non está presente na vida cotiá!


Comentarios

Publicacións populares

...PORQUE LAS ESTIRPES CONDENADAS A CIEN AÑOS DE SOLEDAD NO TENDRÍAN UNA SEGUNDA OPORTUNIDAD SOBRE LA TIERRA

EXTRAORDINARY WOMEN

CÓMIC INSPIRADO EN LA LEYENDA EL MONTE DE LAS ÁNIMAS DE GUSTAVO ADOLFO BÉCQUER

MAUS, A HISTORIA DISFRAZADA DE FÁBULA.

EUPHORIA, UNHA SERIE QUE MOSTRA O SUFRIMENTO DOS ADOLESCENTES

8 DE MARZO NO IES EDUARDO PONDAL DE PONTECESO

27 de marzo, Día Mundial do Teatro

ESOPÍAS?

O CASAMENTO DOS PAXARIÑOS: O DÍA DA MARMOTA GALEGO OU O DÍA DE SAN VALENTÍN?

POESÍA Y REDES SOCIALES