GAMBITO DE DAMA, A SERIE QUE PUXO DE MODA O XADREZ

 Os detractores das novas plataformas dixitais pouco a pouco van ter que recoñecer que estas chegaron para quedarse e que ademais están a facer produtos dunha calidade sublime. Crítica e público coinciden no éxito dunha serie que incríblemente ten como fío central o mundo do xadrez. Falamos de Gambito de dama.

En Gambito de dama todo xira arredor dun taboleiro e cando un remata o visionado dos sete capítulos que conforman a serie, decide que ou ten que aprender a xogar o xadrez, ou se xa sabía, debe volver a practicalo. 


A actriz Anya Taylor-Joy representa o papel de Beth Harmon, unha nena orfa que atopa no xadrez o refuxio para todos os seus medos e paranoias. Nos primeiros capítulos repasamos os seus anos de infancia e primeira adolescencia nun orfanato onde o bedel lle ensina os seus primeiros pasos no taboleiro. A partir de aquí, Beth Harmon comeza unha carreira meteórica ata acabar conseguindo o éxito total no mundo do xadrez. Máis, non todo é un camiño de rosas, a serie retrata de maneira maxistral o mundo dos orfanatos e tamén os problemas coas drogas da protagonista. 

Xenio e loucura, salvación e inferno danzan de maneira entrelazada na existencia da protagonista. Luces e sombras que nos fan namorarnos para sempre de Beth Harmon. Podémola ver en Netflix.



Comentarios

Publicacións populares

...PORQUE LAS ESTIRPES CONDENADAS A CIEN AÑOS DE SOLEDAD NO TENDRÍAN UNA SEGUNDA OPORTUNIDAD SOBRE LA TIERRA

EXTRAORDINARY WOMEN

CÓMIC INSPIRADO EN LA LEYENDA EL MONTE DE LAS ÁNIMAS DE GUSTAVO ADOLFO BÉCQUER

MAUS, A HISTORIA DISFRAZADA DE FÁBULA.

EUPHORIA, UNHA SERIE QUE MOSTRA O SUFRIMENTO DOS ADOLESCENTES

8 DE MARZO NO IES EDUARDO PONDAL DE PONTECESO

27 de marzo, Día Mundial do Teatro

ESOPÍAS?

O CASAMENTO DOS PAXARIÑOS: O DÍA DA MARMOTA GALEGO OU O DÍA DE SAN VALENTÍN?

POESÍA Y REDES SOCIALES