Benvida ao curso 26-27

 

Biblio A Ponte abre de novo as súas portas cunha invitación clara: este é o teu espazo. Un lugar para descubrir, crear, compartir e participar activamente na vida cultural do centro. Queremos que cada membro da comunidade educativa —alumnado, profesorado e familias— dos recursos que ofrece a nosa biblioteca.

Durante todo o curso, a biblioteca convértese nun punto de encontro onde a lectura, a creatividade e a convivencia se entrelazan. Os clubs de lectura ofrecen un espazo tranquilo para conversar sobre libros, descubrir novas voces literarias e gozar da lectura en compañía. Os recreos creativos transforman os tempos de recreo en momentos para aprender a coser, experimentar coa radio, crear, escribir, debuxar ou participar nos obradoiros de polos creativos. Todo isto fai da biblioteca un laboratorio de ideas.

O voluntariado da biblioteca é outra das grandes fortalezas. O alumnado que forma parte del colabora na organización de actividades, na creación de materiais, na atención ao espazo e na dinamización das propostas culturais. A súa implicación é esencial para que a biblioteca funcione.

As familias tamén teñen o seu lugar: actividades compartidas, clubs de lectura de adultos, participación en eventos especiais e propostas que fortalecen a relación entre escola e comunidade. A biblioteca é un espazo aberto, acolledor e pensado para que todas as xeracións poidan aprender e crear xuntas.

Este curso convidámoste a entrar, explorar, preguntar, participar e deixar a túa pegada. A biblioteca é máis ca un lugar con libros: é un mundo sin fin!

Agardámoste!!!