ARTELLANDO na Biblio

Despois de todo un curso facendo traballo de campo e preguntando aos máis vellos, xa puidemos recoller, negro sobre o branco, os resultados do traballo de investigación dos alumnos de 4º ESO de Xeografía e Historia. Son varios artigos que xa ven a luz na segunda entrega de Memoralia, os Cadernos de Historia e Patrimonio. Versan sobre Ponteceso, Malpica, Cabana, Carballo (Berdillo) e Muxía. Algúns alumnos incluso aportaron gravación sonora dos contidos da investigación, como as coplas dunha cantareira de Mens ou o diálogo sobre a posguerra entre dúas mulleres de Berdillo.                                                      Uns están mellor ca outros, pero todos teñen o seu mérito. Noraboa a todos os alumnos, que ademais remataron hoxe o curso e marchan o luns a Barcelona (non haberá un destino mellor, por certo?).        ...

"El jardín de Juanita" é o nome dun proxecto que arranca no ano 2016 da man da experta en creatividade Angélica Sátiro. Esta iniciativa xurde dende o movemento Filosofía Lúdica e o Proxecto Noria, que ten como obxectivo a formación de persoas éticamente responsables coa súa contorna, cuestionado desde un punto crítico a situación medioambiental do planeta. Esta semana ven de inaugurarse na Fundación Luís Seoane da Coruña unha exposición sobre o traballo que arredor deste proxecto están levando a cabo dúas escolas da Coruña.  Onte Angélica visitou Dombate, e alí, parte do profesorado das escolas da zona, tivemos a oportunidade de ter un encontro con ela. Ensinounos a ollar o mundo dende outra perspectiva, e afondamos no termo "Creatividade Cívica".  Deixovos aquí o enlace a unha das súas charlas sobre creatividade, se vos gusta podedes seguir investigando, que paga a pena. https://youtu.be/Uhu-EoslGw4

O Seminario de Lingüística Informática da Universidade de Vigo acaba de publicar en Google Play, a tenda de aplicacións móbiles para os dispositivos con sistema operativo Android, o Dicionario Galnet, o maior dicionario plurilingüe do galego, unha obra con traducións e sinónimos para dez linguas: galego, portugués, catalán, vasco, español, inglés, alemán, latín, italiano e chinés. Segundo explica o profesor da Facultade de Filoloxía e Tradución Xavier Gómez Guinovart, coordinador do equipo que desenvolveu o dicionario GalNet , a aplicación móbil para Android que se acaba de presentar no mercado de Google utiliza o repertorio léxico de WordNet, un proxecto internacional no que participa o SLI desde 2010 co obxectivo de integrar o léxico galego nesta rede semántica interlingüística”, unha obra que reúne 725.000 palabras, das que 70.000 corresponden a verbas en galego. Desde o SLI fan fincapé en que a app para Android do Dicionario Galnet se pode descargar de balde nas tendas de...

O pasado venres celebrouse en Santiago, durante todo o día, a xuntanza anual dos Clubs de Lectura, na que expertos, asesores e profesores compartiron experiencias sobre este proxecto que, segundo alí se dixo, funciona bastante ben, e incluso é observado con atención desde fóra de Galicia. Así o confirmou un dos conferenciantes, José Antonio Millán, coordinador dun estudo sobre estas experiencias lectoras. María Reimóndez recibiu o premio dos Clubs de Lectura, xa que foi a autora máis representada neles. Un pracer escoitar a Marilar Aleixandre, académica da RAG e recén xubilada da docencia, faceta que ben se lle nota na súa amenidade comunicativa. Falou do papel da muller nas ciencias e nas letras. Remata o curso e, como coordinador, toca agradecer a profesores e alumnos a súa participación nas distintas seccións do Club do noso instituto: Jorge Cea, Eva Tizón, Eva García, Beatriz Fernández e Isabel Segura. Foron variados os xéneros lidos, desde narrativa e poesía, ata ...

Argallando cos robots A programación é unha disciplina que nos acerca entornos de aprendizaxe para que os alumnos e alumnas adquiran melloras en habilidades como o pensamento lóxico, a resolución de problema e o traballo en equipo. Ao introducir os robots e a súa programación na aula propoñemos distintos retos que o alumnado ten que solventar e aprenden todas esas habilidades dun xeito lúdico e experimental. A continuación, presentámosvos unha pequena mostra do traballo que estamos a realizar na aula de informática na asignatura de Tecnoloxía de 3º ESO. Nestes vídeos os alumnos ensinan unha pequena mostra do traballo que estamos a realizar cos robots do departamento.

Esta compañía da que vos quero falar hoxe, nace na antiga cárcere de mulleres de Madrid, Yeserías, no ano 1985 (de onde lle ven o seu nome), trasladándose posteriormente á prisión de Carabanchel Mulleres, e na actualidade con sede no Centro Penitenciario de Madrid I Mulleres, en Alcalá de Henares. Dende o primeiro momento trataron de facer algo máis aló dun obradoiro carcelario, e hoxe en día levan representado sobre as táboas máis de corenta espectáculos teatrais. Foto da compañía no Fórum de Barcelona Detrás deste proxecto está Elena Cánovas, unha funcionaria de prisións que confiou no teatro como ferramenta de transformación social. Esta semana, o diario EL PAÍS, ven de dedicarlle un monográfico sobre o seu traballo que creo que debería de ser de lectura obrigatoria. Déixovos aquí o enlace: https://elpais.com/sociedad/2019/05/30/pienso_luego_actuo/1559214479_468610.html

Today we would like to recommend you one of the novels by Charlotte Bronte, a well-known English novelist from the 19th century. I didn’t read the book as a teen. I wish I had. If I’d read it then, I might have identified with the restless, Jane – the 18-year-old young adult who is the main character for most of the book. Countless young women have read it and found inspiration in the poor and plain governess who refuses to be overcome by a world that is constantly trying to subjugate and belittle her. Jane Eyre is a book about finding one’s identity in the face of such adversity; it is a book about coming of age; and for this reason I believe it fits perfectly into the category of a young adult novel. It is, after all, about the concerns of a young adult. Young adult writing is often about firsts –first sparks of love, first kisses, first great disappointments. Jane Eyre, who has never seen a city, who has barely spoken to a man, is the typical young adult in this regard; ...

A trompetista holandesa Maite Hontelé está especializada en ritmos latinos. Ten colaboracións con artistas como Rubén Blades, Buena Vista Social Club , Óscar D´León ou El Gran Combo de Puerto rico, entre outros . Actualmente vive en Medellín ,Colombia ,centrada no seu último álbum"Cuba Linda" co que vai percorrrer distintos países.

Se algo nos emociona é o patrimonio inmaterial dos contadores de historias, esa sabedoría, con máis ou menos dose de ficción, que dun xeito moi funcional chegou ata nós transmitindo sabedoría, valores, historia propia, humor, fantasía e sobre todo a cultura de saber escoitar, de ter tempo para abrir os oídos e os miolos de cara á reflexión e o divertimento. Entre o 6 e o 9 de xuño en Pontevedra podemos asistir á oitava edición de SETE FALARES , encontro internacional organizado por “Pavís, Pavós”, que é a Rede Internacional de Contacontos. Converteremos pois esta capital galega no eixo da arte de contar, todo un privilexio ben merecido para esta terra nosa, berce de innumerables contadores e contadoras anónimos e dun grupo de xente xa con nome gravado no espazo de honor desta arte inmaterial, fío máxico condutor que une culturas moi diversas noutras tantas paisaxes e xeitos de ollar. Conservarán as xeracións vindeiras esta rede? Na foto, Quico Cadaval, un dos grandes, nunha...