ARTELLANDO na Biblio

 Esta semana estivemos a impartir a formación de usuarios da biblioteca, na que participou o alumnado de 1º e 2º ESO e tamén o alumnado de 1º BAC. Foron sesións para darnos a coñecer e tamén para presentar as actividades a desenvolver este trimestre. A continuación realizaron xogos de busca, de colocación de fondos nos andeis e de clasificación de temáticas. Agora... a darlle moito "uso" á biblioteca!!

Hoxe, 20 de setembro, durante o recreo demos a benvida aos clubs de lectura deste curso, fixéronse os grupos, seleccionamos as lecturas e degustamos un bo chocolate para quentar motores!!! Así, contaremos con... Club de lectura de manga e banda deseñada. Club de lectura de narrativa. Club de lectura de adultos. Club de lectura filosófica Club de lectura científica.  Se houbese algún despistado ou despistada que non acudira o venres,  correde á biblioteca porque aínda estades a tempo de anotarvos!!!

  Desde Biblio A Ponte queremos darvos a benvida a este novo curso 2024-2025!!  Esperamos que este ano a nosa biblioteca estea chea de lecturas, actividades e novas propostas que iremos ARTELLANDO con moito entusiasmo!!! Todos os usuarios e usuarias xa podedes facer uso dos servizos da biblio e, en breve, empezaremos coa formación de usuarios. Para poñervos ao día podedes consultar a "Información xeral" no lateral esquerdo do blog.