ARTELLANDO na Biblio

Acabouse o trimestre e a Biblioteca tamén celebra estas datas con actividades variadas. Durante este mes, os voluntarios e voluntarias e demais alumnado do centro estiveron a decorar a nosa biblio e este é o resultado:                    Fixemos estrelas e copos de neve, unha árbore con libros e ata un belén de Playmóbil!!!                                  Ademais tamén temos gañadores no noso concurso de postais e desde aquí damos os parabéns a Salma Ocampo Rúa polo primeiro premio e a Grecia Neira Abelenda polo accésit. Por último, tamén queremos achegarvos as nosas recomendacións de lectura para estas datas de descanso. Se pinchades no enlace poderedes acceder ao traballo do alumnado que vos recomenda amenas lecturas. https://sites.google.com/view/ponte-a-ler/inicio Desexámosvos un BO NADAL cheo de LIBROS!!!! ⛄⛄⛄⛄

Outro ano máis a Biblioteca convoca o tradicional Concurso de Postais para que toda a comunidade educativa participe creando a nosa felicitación deste Nadal 2023. Animádevos a debuxar unha postal ben fermosa!!!! Aquí deixamos as bases e ampliamos o prazo de entrega ata o día 18 de decembro :

  Practicamente  rematado este primeiro trimestre, fagamos balance das lecturas realizadas polos diferentes clubs de lectura da nosa familia lectora "Ponte a ler":  O club de manga, banda deseñada e cómic segue a ser o máis activo. Despois de lecturas como as de Orange, Dr Stone ou Detective Conan , as e os integrantes do club estamos a decidir as vindeiras aventuras nas que nos imos embarcar. As propostas son varias: Blacksad, Sombras sobre Shimanami, Contrapaso, Los hijos de los otros, Look Back ou mesmo o clásico Jane Eyre , foron as elixidas polo club e pronto estarán dispoñibles na nosa biblioteca.   Por outra banda, a narrativa vertébrase en diferentes clubs: o alumnado de 1º ESO optou pola lectura de Mitos gregos de María Angelidou, mentras que o alumnado veterano da ESO comezou a súa viaxe lectora con Azucre de Bibiana Candia e acaba de rematar Afogada de Rocío Leira, aínda están a pensar por que roteiros queren seguir... Para o alumnado de 1º de Bacharelato a visi

  A celebración do Samagosto no noso instituto foi todo un éxito, contamos cunha importante participación do alumnado nos diferentes concursos.  Deixamos aquí  unha pequena mostra do que foi cada un deles: CONCURSO DE CABAZAS Neste Samaín contamos con dezasete cabazas!!! Cada cal máis arrepiante e decoradas co estilo persoal de cada participante. Entre todas elas, as seleccionadas polo xurado foron as de:  - Ainoha Doldán de 2º ESO A, que se fixo co 1º Premio da categoría A.  - Alba Torrado de 1º ESO B, que recibiu un accéssit dentro desa mesma categoría.  - Melissa Mata de 1º CM de Atención á Dependencia, que se fixo co primeiro premio da categoría B.                                                                         CONCURSO DE MICRORRELATOS DE MEDO A tematica do terror inspirou sobradamente ao noso alumnado nas diferentes modalidades que se convocaron neste concurso de creación literaria. O alumnado gañador resultou ser o seguinte:  Concurso de Microrrelatos de medo:  ·